16 shlokas
- 1
एका दीक्षा तिस्र उपसदः पञ्चमीं प्रसुतः
तिस्रो वा दीक्षास्तिस्र उपसदः सप्तमीं प्रसुतः
चतस्रो वा दीक्षास्तिस्र उपसदो ऽष्टमीं प्रसुतः
ekā dīkṣā tisra upasadaḥ pañcamīṃ prasutaḥ
tisro vā dīkṣāstisra upasadaḥ saptamīṃ prasutaḥ
catasro vā dīkṣāstisra upasado 'ṣṭamīṃ prasutaḥ
- 2
अमावास्यायां दीक्षा यजनीये वा
पौर्णमास्यां यजनीये वा सुत्यम् अहः
amāvāsyāyāṃ dīkṣā yajanīye vā
paurṇamāsyāṃ yajanīye vā sutyam ahaḥ
- 3
एतद्वा विपरीतम्
etadvā viparītam
- 4
अमावास्यायां दीक्षा यजनीये वा
अमावास्यायां यजनीये वा सुत्यम् अहः
पौर्णमास्यां दीक्षा यजनीये वा
पौर्णमास्यां यजनीये वा सुत्यम् अहः
amāvāsyāyāṃ dīkṣā yajanīye vā
amāvāsyāyāṃ yajanīye vā sutyam ahaḥ
paurṇamāsyāṃ dīkṣā yajanīye vā
paurṇamāsyāṃ yajanīye vā sutyam ahaḥ
- 5
नैनम् अन्यत्र दीक्षितविमिताद् अभिनिम्रोचेद् अभ्युदियाद्वा
nainam anyatra dīkṣitavimitād abhinimroced abhyudiyādvā
- 6
वारुणीर् अभिनिम्रुक्तो जपेत्
सौरीर् अभ्युदितः
vāruṇīr abhinimrukto japet
saurīr abhyuditaḥ
- 7
अबद्धं मन इत्य् अमेध्यं दृष्ट्वा जपति
abaddhaṃ mana ity amedhyaṃ dṛṣṭvā japati
- 8
उन्दतीर्बलं धत्तेत्य् अववृष्टः
undatīrbalaṃ dhattety avavṛṣṭaḥ
- 9
दक्षिणेनाहवनीयं प्राङ्शेते न न्यङ्नोत्तानो नाग्नेर् अपपर्यावर्तेत
dakṣiṇenāhavanīyaṃ prāṅśete na nyaṅnottāno nāgner apaparyāvarteta
- 10
यद्य् अपपर्यावर्तेत विश्वे देवा अभि माम् आववृत्रन्न् इति जपेत्
yady apaparyāvarteta viśve devā abhi mām āvavṛtrann iti japet
- 11
नान्यत्र कृष्णाजिनाद् आसीत
यद्य् अन्यत्रासीत देवाꣳ जनम् अगन्यज्ञ इति जपेत्
nānyatra kṛṣṇājinād āsīta
yady anyatrāsīta devām̐ janam aganyajña iti japet
- 12
न दण्डात्कृष्णाजिनाद् इति विप्रच्छिद्येत
उभे निधाय मूत्रपुरीषे कुर्यात्
na daṇḍātkṛṣṇājinād iti vipracchidyeta
ubhe nidhāya mūtrapurīṣe kuryāt
- 13
यावद् उक्तं पत्न्या दीक्षितव्यञ्जनानि
yāvad uktaṃ patnyā dīkṣitavyañjanāni
- 14
समानं ब्रह्मचर्यम्
samānaṃ brahmacaryam
- 15
न दीक्षितवसनं परिदधीत
नास्य पापं कीर्तयेत्
नान्नम् अश्नीयात्
na dīkṣitavasanaṃ paridadhīta
nāsya pāpaṃ kīrtayet
nānnam aśnīyāt
- 16
यज्ञार्थे वा निर्दिष्टे शेषाद्भुञ्जीरन्
संस्थिते वाग्नीषोमीये
हुतायां वा वपायाम्
yajñārthe vā nirdiṣṭe śeṣādbhuñjīran
saṃsthite vāgnīṣomīye
hutāyāṃ vā vapāyām

