11 shlokas
- 1
प्रच्यवस्व भुवस्पत इति प्राञ्चो ऽभिप्रयाय प्रदक्षिणम् आवर्तन्ते
pracyavasva bhuvaspata iti prāñco 'bhiprayāya pradakṣiṇam āvartante
- 2
श्येनो भूत्वा परापतेत्य् अध्वर्यू राजानम् अभिमन्त्रयते
śyeno bhūtvā parāpatety adhvaryū rājānam abhimantrayate
- 3
अपि पन्थाम् अगस्महीत्य् अध्वर्युर्यजमानश्च दक्षिणेनोत्तरेण वा राजानम् अतिक्रामतः
api panthām agasmahīty adhvaryuryajamānaśca dakṣiṇenottareṇa vā rājānam atikrāmataḥ
- 4
अजेनाग्नीषोमीयेण कर्णगृहीतेन यजमानो राजानम् ओह्यमानं प्रतीक्षते नमो मित्रस्येति
ajenāgnīṣomīyeṇa karṇagṛhītena yajamāno rājānam ohyamānaṃ pratīkṣate namo mitrasyeti
- 5
लोहस्तूपरो भवति
अप्य् अतूपरः
कृष्णसारङ्गः
लोहितसारङ्गो वा
lohastūparo bhavati
apy atūparaḥ
kṛṣṇasāraṅgaḥ
lohitasāraṅgo vā
- 6
स्थूलः पीवा श्मश्रुणः
sthūlaḥ pīvā śmaśruṇaḥ
- 7
औदुम्बर्य् आसन्द्य् अरत्निमात्रशीर्षण्यानूच्या नाभिदघ्नपादा मौञ्जविवाना
तां सर्वे ऽध्वर्यवो ऽग्रेण प्राग्वंशं राजन्य् ओह्यमान उद्गृह्णन्ति
audumbary āsandy aratnimātraśīrṣaṇyānūcyā nābhidaghnapādā mauñjavivānā
tāṃ sarve 'dhvaryavo 'greṇa prāgvaṃśaṃ rājany ohyamāna udgṛhṇanti
- 8
अग्नीन्प्रज्वलयन्ति
अग्निम् अग्नी वा
agnīnprajvalayanti
agnim agnī vā
- 9
अग्रेण प्राग्वंशं प्रागीषम् उदगीषं वा शकटम् अवस्थाप्य पूर्ववद् आखिद्योपस्तभ्य वरुणस्य स्कम्भनम् असीति शम्याम् उद्वृह्य विचृत्तो वरुणस्य पाश इति योक्त्रपाशं विचृत्योन्मुक्तो वरुणस्य पाश इत्य् अभिधानीम् उन्मुञ्चति
agreṇa prāgvaṃśaṃ prāgīṣam udagīṣaṃ vā śakaṭam avasthāpya pūrvavad ākhidyopastabhya varuṇasya skambhanam asīti śamyām udvṛhya vicṛtto varuṇasya pāśa iti yoktrapāśaṃ vicṛtyonmukto varuṇasya pāśa ity abhidhānīm unmuñcati
- 10
एवम् उत्तरम् अनड्वाहं विमुञ्चति
evam uttaram anaḍvāhaṃ vimuñcati
- 11
विमुक्तः सव्यो ऽविमुक्तो वा
vimuktaḥ savyo 'vimukto vā

