11 shlokas
- 1
स्वर्गकामो ज्योतिष्टोमेन यजेत
एककामः सर्वकामो वा
युगपत्कामयेताहारपृथक्त्वे वा
svargakāmo jyotiṣṭomena yajeta
ekakāmaḥ sarvakāmo vā
yugapatkāmayetāhārapṛthaktve vā
- 2
वसन्ते ज्योतिष्टोमेन यजेत
vasante jyotiṣṭomena yajeta
- 3
अग्निष्टोमः प्रथमयज्ञः
agniṣṭomaḥ prathamayajñaḥ
- 4
अतिरात्रम् एके पूर्वं समामनन्ति
atirātram eke pūrvaṃ samāmananti
- 5
वसन्ते वसन्ते ज्योतिष्टोमेन यजेत
तस्य तिस्रो दक्षिणा इति छन्दोगब्राह्मणं भवति
vasante vasante jyotiṣṭomena yajeta
tasya tisro dakṣiṇā iti chandogabrāhmaṇaṃ bhavati
- 6
रथंतरसाम्ना बृहत्साम्नोभयसाम्ना वा प्रथमं यजेत
rathaṃtarasāmnā bṛhatsāmnobhayasāmnā vā prathamaṃ yajeta
- 7
न रथंतरसामानम् अकृत्वा बृहत्सामानम् आहरेद् इत्य् एके
na rathaṃtarasāmānam akṛtvā bṛhatsāmānam āhared ity eke
- 8
यदीष्ट्या यदि पशुना यदि सोमेन यजेतामावास्यायां वैव पौर्णमास्यां वा यजेत
yadīṣṭyā yadi paśunā yadi somena yajetāmāvāsyāyāṃ vaiva paurṇamāsyāṃ vā yajeta
- 9
देव वरुण देवयजनं मे देहीति यजमानो राजानं देवयजनं याचेत्
deva varuṇa devayajanaṃ me dehīti yajamāno rājānaṃ devayajanaṃ yācet
- 10
स यदि ददाति देवयजनवान्भूया इत्य् एनम् आह
यदि न ददाति यद् अहं देवयजनं वेद तस्मिंस्त्वा देवयजन आ क्षिणोमीति
sa yadi dadāti devayajanavānbhūyā ity enam āha
yadi na dadāti yad ahaṃ devayajanaṃ veda tasmiṃstvā devayajana ā kṣiṇomīti
- 11
अथैनम् अनुव्याहरन्ति
मन उपावधीर्मनस्त्वा हास्यतीति ब्रह्मा
वाचम् उपावधीर्वाक्त्वा हास्यतीति होता
प्राणम् उपावधीः प्राणस्त्वा हास्यतीत्य् अध्वर्युः
चक्षुर् उपावधीश्चक्षुस्त्वा हास्यतीत्य् उद्गाता
आत्मानम् उपावधीर् आत्मा त्वा हास्यतीति सदस्यः
प्रजातिम् उपावधीः प्रजा त्वा हास्यतीति यजमानः
अङ्गान्य् उपावधीर् अङ्गानि त्वा हास्यन्तीति होत्रकाः
भूतान्य् उपावधीर्भूतानि त्वा हास्यन्तीति सर्व ऋत्विजः
athainam anuvyāharanti
mana upāvadhīrmanastvā hāsyatīti brahmā
vācam upāvadhīrvāktvā hāsyatīti hotā
prāṇam upāvadhīḥ prāṇastvā hāsyatīty adhvaryuḥ
cakṣur upāvadhīścakṣustvā hāsyatīty udgātā
ātmānam upāvadhīr ātmā tvā hāsyatīti sadasyaḥ
prajātim upāvadhīḥ prajā tvā hāsyatīti yajamānaḥ
aṅgāny upāvadhīr aṅgāni tvā hāsyantīti hotrakāḥ
bhūtāny upāvadhīrbhūtāni tvā hāsyantīti sarva ṛtvijaḥ

