10 shlokas
- 1
सखायः सप्तपदा अभूम सख्यं ते गमेयं सख्यात्ते मा योषं सख्यान्मे मा योष्ठा इति सप्तमे पदे जपति
sakhāyaḥ saptapadā abhūma sakhyaṃ te gameyaṃ sakhyātte mā yoṣaṃ sakhyānme mā yoṣṭhā iti saptame pade japati
- 2
बृहस्पतिस्त्वा सुम्ने रण्वत्व् इति सप्तमं पदम् अध्वर्युर् अञ्जलिनाभिगृह्य पदे हिरण्यं निधाय पृथिव्यास्त्वा मूर्धन्न् आजिघर्मीति हिरण्ये हुत्वापादाय हिरण्यं देवस्य त्वा सवितुः प्रसव इति स्फ्यम् आदाय परिलिखितं रक्षः परिलिखिता अरातय इति त्रिः प्रदक्षिणं पदं परिलिखति यावद्घृतम् अनुविसृतं भवति
bṛhaspatistvā sumne raṇvatv iti saptamaṃ padam adhvaryur añjalinābhigṛhya pade hiraṇyaṃ nidhāya pṛthivyāstvā mūrdhann ājigharmīti hiraṇye hutvāpādāya hiraṇyaṃ devasya tvā savituḥ prasava iti sphyam ādāya parilikhitaṃ rakṣaḥ parilikhitā arātaya iti triḥ pradakṣiṇaṃ padaṃ parilikhati yāvadghṛtam anuvisṛtaṃ bhavati
- 3
कृष्णविषाण्या चानुपरिलिख्यास्मे राय इति स्थाल्यां यावत्त्मूतं समोप्य त्वे राय इति यजमानाय प्रयच्छति
kṛṣṇaviṣāṇyā cānuparilikhyāsme rāya iti sthālyāṃ yāvattmūtaṃ samopya tve rāya iti yajamānāya prayacchati
- 4
तोते राय इति पत्नियै
tote rāya iti patniyai
- 5
माहं रायस्पोषेण वियोषम् इति पत्नी पदं प्रदीयमानम् अनुमन्त्रयते
māhaṃ rāyaspoṣeṇa viyoṣam iti patnī padaṃ pradīyamānam anumantrayate
- 6
सं देवि देव्योर्वश्या पश्यस्वेति सोमक्रयण्या पत्नीं संख्यापयति
saṃ devi devyorvaśyā paśyasveti somakrayaṇyā patnīṃ saṃkhyāpayati
- 7
त्वष्टीमती ते सपेयेति पत्नी सोमक्रयणीम् अभिमन्त्रयते
tvaṣṭīmatī te sapeyeti patnī somakrayaṇīm abhimantrayate
- 8
त्वष्टुमन्तस्त्वा सपेमेति यजमानः
tvaṣṭumantastvā sapemeti yajamānaḥ
- 9
यतः पदम् अपात्तं तस्मिन्सहिरण्यौ पाणी प्रक्षाल्योन्नम्भय पृथिवीम् इत्य् अद्भिर् उपनिनीय पदं त्रैधं विभज्य तृतीयम् उत्तरतो गार्हपत्यस्य शीते भस्मन्य् उपवपति
तृतीयम् आहवनीयस्य
तृतीयं पत्न्यै प्रयच्छति
yataḥ padam apāttaṃ tasminsahiraṇyau pāṇī prakṣālyonnambhaya pṛthivīm ity adbhir upaninīya padaṃ traidhaṃ vibhajya tṛtīyam uttarato gārhapatyasya śīte bhasmany upavapati
tṛtīyam āhavanīyasya
tṛtīyaṃ patnyai prayacchati
- 10
तत्सा गृहेषु निदधाति
tatsā gṛheṣu nidadhāti

