14 shlokas
- 1
अपराह्णे दीक्षयेत्
aparāhṇe dīkṣayet
- 2
यं कामयेत तपस्वी स्याद् इति तं पूर्वाह्णे
yaṃ kāmayeta tapasvī syād iti taṃ pūrvāhṇe
- 3
स वाग्यतस्तपस्तप्यमान आस्त आ नक्षत्रस्योदेतोः
sa vāgyatastapastapyamāna āsta ā nakṣatrasyodetoḥ
- 4
वत्सस्यैकं स्तनम् अवशिष्येतरान्व्रतं दोहयित्वा याः पशूनाम् ऋषभे वाचस्ताः सूर्यो अग्रे शुक्रो अग्रे ताः प्रहिण्वो यथाभागं वो अत्र शिवा नस्ताः पुनर् आयन्तु वाच इति जपित्वा व्रतं कृणुतेति वाचं विसृजते
vatsasyaikaṃ stanam avaśiṣyetarānvrataṃ dohayitvā yāḥ paśūnām ṛṣabhe vācastāḥ sūryo agre śukro agre tāḥ prahiṇvo yathābhāgaṃ vo atra śivā nastāḥ punar āyantu vāca iti japitvā vrataṃ kṛṇuteti vācaṃ visṛjate
- 5
एष्ट्रीः स्थेति चतस्रो ऽङ्गुलीर् उत्सृजति
द्वे अन्यतरतो द्वे अन्यतरतः
eṣṭrīḥ stheti catasro 'ṅgulīr utsṛjati
dve anyatarato dve anyatarataḥ
- 6
जागर्त्य् एतां रात्रिम्
क्रीते राजनि द्वितीयाम्
श्वःसुत्यायां तृतीयाम्
jāgarty etāṃ rātrim
krīte rājani dvitīyām
śvaḥsutyāyāṃ tṛtīyām
- 7
चनसितं विचक्षणम् इति नामधेयान्तेषु निदधाति
canasitaṃ vicakṣaṇam iti nāmadheyānteṣu nidadhāti
- 8
चनसितेति ब्राह्मणम्
विचक्षणेति राजन्यवैश्यौ
canasiteti brāhmaṇam
vicakṣaṇeti rājanyavaiśyau
- 9
परिणयेन मानुषीं वाचं वदति
pariṇayena mānuṣīṃ vācaṃ vadati
- 10
न स्त्रिया न शूद्रेण सम्भाषेत
na striyā na śūdreṇa sambhāṣeta
- 11
नैनम् अनुप्रपद्येत
nainam anuprapadyeta
- 12
यद्य् एनं शूद्रेण संवाद उपपद्येत ब्राह्मणराजन्यवैश्यानाम् एकं ब्रूयाद् इमम् इत्थं ब्रूहीति वाजसनेयकम्
yady enaṃ śūdreṇa saṃvāda upapadyeta brāhmaṇarājanyavaiśyānām ekaṃ brūyād imam itthaṃ brūhīti vājasaneyakam
- 13
कामं शूद्रेण सम्भाषेत यः पापेन कर्मणानभिलक्षितः स्याद् इति शाट्यायनकम्
kāmaṃ śūdreṇa sambhāṣeta yaḥ pāpena karmaṇānabhilakṣitaḥ syād iti śāṭyāyanakam
- 14
अभिवदति नाभिवादयते ऽप्य् आचार्यं श्वशुरं राजानम् इति शाट्यायनकम्
abhivadati nābhivādayate 'py ācāryaṃ śvaśuraṃ rājānam iti śāṭyāyanakam

