10 shlokas
- 1
वयः सुपर्णा इति
vayaḥ suparṇā iti
- 2
दीक्षितदण्डं च मैत्रावरुणाय प्रयच्छति मित्रावरुणयोस्त्वा प्रशास्त्रोः प्रशिषा प्रयच्छाम्य् अवक्रो ऽविधुरो भूयासम् इति
dīkṣitadaṇḍaṃ ca maitrāvaruṇāya prayacchati mitrāvaruṇayostvā praśāstroḥ praśiṣā prayacchāmy avakro 'vidhuro bhūyāsam iti
- 3
मित्रो न एहीति यजमानो राजानम् आदायेन्द्रस्योरुम् आविशेति दक्षिण ऊराव् आसाद्य हस्ताभ्यां निगृह्यास्ते
mitro na ehīti yajamāno rājānam ādāyendrasyorum āviśeti dakṣiṇa ūrāv āsādya hastābhyāṃ nigṛhyāste
- 4
अत्रादित्योपस्थानं दण्डप्रदानं सोमक्रयणानाम् अनुदेशनम् एके समामनन्ति
atrādityopasthānaṃ daṇḍapradānaṃ somakrayaṇānām anudeśanam eke samāmananti
- 5
रुद्रस्त्वावर्तयत्व् इति प्रदक्षिणं सोमक्रयणीम् आवर्त्यान्यया गवा निष्क्रीय यजमानस्य गोष्ठे विसृजति
rudrastvāvartayatv iti pradakṣiṇaṃ somakrayaṇīm āvartyānyayā gavā niṣkrīya yajamānasya goṣṭhe visṛjati
- 6
यदि सोमविक्रयी प्रतिविवदेत पृषतैनं वरत्राकाण्डेनावक्षायं नाशयेयुः
yadi somavikrayī prativivadeta pṛṣatainaṃ varatrākāṇḍenāvakṣāyaṃ nāśayeyuḥ
- 7
लकुटैर्घ्नन्तीत्य् एके
lakuṭairghnantīty eke
- 8
नित्यवद् एके वधं समामनन्ति
nityavad eke vadhaṃ samāmananti
- 9
उद् आयुषा स्वायुषेति यजमानो राजानम् आदायोत्थायोर्व् अन्तरिक्षम् अन्विहीति शकटायाभिप्रव्रजति
ud āyuṣā svāyuṣeti yajamāno rājānam ādāyotthāyorv antarikṣam anvihīti śakaṭāyābhipravrajati
- 10
अदित्याः सदो ऽसीत्य् अध्वर्युः शकटनीडे कृष्णाजिनं प्राचीनग्रीवम् उत्तरलोमास्तीर्यादित्याः सद आसीदेति तस्मिन्राजानम् आसाद्य वनेषु व्य् अन्तरिक्षं ततानेति वाससा पर्यानह्योद् उ त्यं जातवेदसम् इति सौर्यर्चा कृष्णाजिनं पुरस्तात्प्रत्यानह्यत्य् ऊर्ध्वग्रीवं बहिष्टाद्विशसनम्
adityāḥ sado 'sīty adhvaryuḥ śakaṭanīḍe kṛṣṇājinaṃ prācīnagrīvam uttaralomāstīryādityāḥ sada āsīdeti tasminrājānam āsādya vaneṣu vy antarikṣaṃ tatāneti vāsasā paryānahyod u tyaṃ jātavedasam iti sauryarcā kṛṣṇājinaṃ purastātpratyānahyaty ūrdhvagrīvaṃ bahiṣṭādviśasanam

