16 shlokas
- 1
अथैनम् अनवानं सकृदभिषुत्य तिरः पवित्रम् अच्छिन्नां धारां स्रावयन्न् अदाभ्यपात्रेणानवानं सकृद्गृह्णाति
athainam anavānaṃ sakṛdabhiṣutya tiraḥ pavitram acchinnāṃ dhārāṃ srāvayann adābhyapātreṇānavānaṃ sakṛdgṛhṇāti
- 2
वामदेव्यं मनसा गायमानो गृह्णातीति विज्ञायते
vāmadevyaṃ manasā gāyamāno gṛhṇātīti vijñāyate
- 3
वामदेव्यस्यर्चा गृह्णीयाद् इत्य् एकेषां कया नश्चित्र आ भुवद् इत्य् एतया
vāmadevyasyarcā gṛhṇīyād ity ekeṣāṃ kayā naścitra ā bhuvad ity etayā
- 4
प्राणता ग्राह्यो ऽपानता ग्राह्यः प्राण्यापान्य व्यनता गृहीतव्य इति विज्ञायते
prāṇatā grāhyo 'pānatā grāhyaḥ prāṇyāpānya vyanatā gṛhītavya iti vijñāyate
- 5
गृहीत्वा शतमानं हिरण्यम् अभिव्यनित्य् आ नः प्राण एतु परावत इति
gṛhītvā śatamānaṃ hiraṇyam abhivyanity ā naḥ prāṇa etu parāvata iti
- 6
हिरण्येन ग्रहम् अपिधायाप उपस्पृशतीन्द्राग्नी मे वर्चः कृणुताम् इति
hiraṇyena graham apidhāyāpa upaspṛśatīndrāgnī me varcaḥ kṛṇutām iti
- 7
अथैनम् अनवानं सकृज्जुहोति दधन्वे वा यदीम् इति
athainam anavānaṃ sakṛjjuhoti dadhanve vā yadīm iti
- 8
यद्य् अनवानं न शक्नुयाद्धोतुं गृहीतुं वा वरे दत्ते जुहुयात्
yady anavānaṃ na śaknuyāddhotuṃ gṛhītuṃ vā vare datte juhuyāt
- 9
हुत्वा सदसि शेषं भक्षयति यथा पुरस्तात्
hutvā sadasi śeṣaṃ bhakṣayati yathā purastāt
- 10
द्वादश पष्ठौहीर्दक्षिणा ददाति कृत्त्यधीवासं च
dvādaśa paṣṭhauhīrdakṣiṇā dadāti kṛttyadhīvāsaṃ ca
- 11
तत उपांशुसवनं ग्रावाणम् आदत्ते देवस्य त्वा सवितुः प्रसव इति प्रतिपद्य वृष्टिवनिम् इत्य् अन्तेन
tata upāṃśusavanaṃ grāvāṇam ādatte devasya tvā savituḥ prasava iti pratipadya vṛṣṭivanim ity antena
- 12
तम् आदाय वाचं यच्छत्य् आग्रयणात्
tam ādāya vācaṃ yacchaty āgrayaṇāt
- 13
अथैनद् ऊर्ध्वसानुं सहिरण्येन पाणिना राज्ञो ऽभिमिमीत इन्द्राय त्वा वृत्रघ्न इत्य् एतैर्मन्त्रैः
athainad ūrdhvasānuṃ sahiraṇyena pāṇinā rājño 'bhimimīta indrāya tvā vṛtraghna ity etairmantraiḥ
- 14
तत्र स एव मानकल्पो यः क्रये ऽन्यत्रोपसमूहनात्
tatra sa eva mānakalpo yaḥ kraye 'nyatropasamūhanāt
- 15
तत उपांशुं गृह्णाति
tata upāṃśuṃ gṛhṇāti
- 16
अधिषवणचर्मणि राजानं निवपति यावन्तम् एकग्रहायाप्तं मन्यते
adhiṣavaṇacarmaṇi rājānaṃ nivapati yāvantam ekagrahāyāptaṃ manyate

