13 shlokas
- 1
अपरया द्वारा हविर्धाने ऽपः प्रपादयति पूर्वया वा
पूर्वया तु यजमानः प्रपद्यते
aparayā dvārā havirdhāne 'paḥ prapādayati pūrvayā vā
pūrvayā tu yajamānaḥ prapadyate
- 2
उत्तरस्य हविर्धानस्याधस्ताद्वसतीवरीर् एकधना मैत्रावरुणचमसीया इति सादयति
uttarasya havirdhānasyādhastādvasatīvarīr ekadhanā maitrāvaruṇacamasīyā iti sādayati
- 3
दक्षिणस्य हविर्धानस्याधस्तात्पुरो ऽक्षं होतृचमसं सादयित्वा दधिग्रहणे चरति
dakṣiṇasya havirdhānasyādhastātpuro 'kṣaṃ hotṛcamasaṃ sādayitvā dadhigrahaṇe carati
- 4
औदुम्बरेण पात्रेण चतुःस्रक्तिना दधि गृह्णात्य् उपयामगृहीतो ऽसि प्रजापते त्वा ज्योतिष्मते ज्योतिष्मन्तं गृह्णामीति
audumbareṇa pātreṇa catuḥsraktinā dadhi gṛhṇāty upayāmagṛhīto 'si prajāpate tvā jyotiṣmate jyotiṣmantaṃ gṛhṇāmīti
- 5
हरत्य् उपेन्द्र द्विषतो मन इति
haraty upendra dviṣato mana iti
- 6
जुहोति प्राणाय त्वेत्य् अनुवाकशेषेण
juhoti prāṇāya tvety anuvākaśeṣeṇa
- 7
आज्यग्रहं गृह्णीयात्तेजस्कामस्य
सोमग्रहं गृह्णीयाद्ब्रह्मवर्चसकामस्य
दधिग्रहं गृह्णीयात्पशुकामस्य
ājyagrahaṃ gṛhṇīyāttejaskāmasya
somagrahaṃ gṛhṇīyādbrahmavarcasakāmasya
dadhigrahaṃ gṛhṇīyātpaśukāmasya
- 8
आज्यग्रहस्यैष एव कल्पः
ājyagrahasyaiṣa eva kalpaḥ
- 9
सोमग्रहं ग्रहीष्यन्न् अधिषवणचर्मणि राजानं निवपति यावन्तम् एकग्रहायाप्तं मन्यते
somagrahaṃ grahīṣyann adhiṣavaṇacarmaṇi rājānaṃ nivapati yāvantam ekagrahāyāptaṃ manyate
- 10
प्रत्युपनह्येतरं वसतीवरीभिर्होतृचमसं पूरयित्वा निग्राभ्यासु यजमानं वाचयति निग्राभ्या स्थ देवश्रुत इति प्रतिपद्य गणा मे मा वि तृषन्न् इत्य् अन्तेन
pratyupanahyetaraṃ vasatīvarībhirhotṛcamasaṃ pūrayitvā nigrābhyāsu yajamānaṃ vācayati nigrābhyā stha devaśruta iti pratipadya gaṇā me mā vi tṛṣann ity antena
- 11
वसतीवरीभिर् उपसृज्याभिषोष्यन्न् अभिमन्त्रयते ऽवीवृधं वो मनसा सुजाता इति
vasatīvarībhir upasṛjyābhiṣoṣyann abhimantrayate 'vīvṛdhaṃ vo manasā sujātā iti
- 12
यत्र क्व चाभिषुणुयाद् एवम् एवाभिमन्त्रयते
yatra kva cābhiṣuṇuyād evam evābhimantrayate
- 13
अथैनम् उपरे ग्राव्णाभिषुनोति
athainam upare grāvṇābhiṣunoti

