16 shlokas
- 1
एवम् एवोत्तराभ्यां यथादेवतं प्रचरतः
evam evottarābhyāṃ yathādevataṃ pracarataḥ
- 2
एतावन्नाना
उत्तरेण मन्त्रेण प्रतिनिग्राह्यं गृह्णाति
नात्राघारो भवति
सकृत्सकृज्जुहुतः
उत्तरेणोत्तरेणावबाधते
उत्तरेणोत्तरेणादित्यस्थाल्यां संपातम् अवनयति
etāvannānā
uttareṇa mantreṇa pratinigrāhyaṃ gṛhṇāti
nātrāghāro bhavati
sakṛtsakṛjjuhutaḥ
uttareṇottareṇāvabādhate
uttareṇottareṇādityasthālyāṃ saṃpātam avanayati
- 3
अथैनाम् एतेनैव पात्रेणापिदधाति विष्णव् उरुक्रमैष ते सोमस्तं रक्षस्व तं ते दुश्चक्षा माव ख्यद् इति
athainām etenaiva pātreṇāpidadhāti viṣṇav urukramaiṣa te somastaṃ rakṣasva taṃ te duścakṣā māva khyad iti
- 4
उत्तरेणोत्तरेणाध्वर्युर्भक्षं प्रयच्छति
तेन तेनैव होता प्रतिगृह्णाति
uttareṇottareṇādhvaryurbhakṣaṃ prayacchati
tena tenaiva hotā pratigṛhṇāti
- 5
आधवनीयं पूतभृत्य् अवनयति
न्युप्याधवनीयम् उन्नेता
ādhavanīyaṃ pūtabhṛty avanayati
nyupyādhavanīyam unnetā
- 6
संप्रेष्यति उन्नीयमानेभ्यो ऽनुब्रूहीति
saṃpreṣyati unnīyamānebhyo 'nubrūhīti
- 7
होतृचमसम् उख्यान्नव चमसान् उन्नयत्य् अन्यत्राछावाकचमसात्
hotṛcamasam ukhyānnava camasān unnayaty anyatrāchāvākacamasāt
- 8
द्रोणकलशाद् उपस्तीर्य पूतभृत उन्नीय द्रोणकलशाद् एवाभिघारयति
droṇakalaśād upastīrya pūtabhṛta unnīya droṇakalaśād evābhighārayati
- 9
तत्रैषो ऽत्यन्तप्रदेशः
यत्र क्व च चमसान् उन्नयेद् एवमेवोन्नेतोन्नयेत्
सर्वान्सर्वान् एवात ऊर्ध्वं चमसान् उन्नयति
tatraiṣo 'tyantapradeśaḥ
yatra kva ca camasān unnayed evamevonnetonnayet
sarvānsarvān evāta ūrdhvaṃ camasān unnayati
- 10
सवनमुखीयेष्व् एव चमसेषून्नीयमानसूक्तं भवति
savanamukhīyeṣv eva camaseṣūnnīyamānasūktaṃ bhavati
- 11
परिहित उन्नीयमानसूक्ते स्तुतोऽसि जनधाः
देवास्त्वा शुक्रपाः प्रणयन्त्व् इति शुक्रम् अध्वर्युर् आदत्ते
स्तुतोऽसि जनधाः
देवास्त्वा मन्थिपाः प्रणयन्त्व् इति मन्थिनं प्रतिप्रस्थाता
parihita unnīyamānasūkte stuto'si janadhāḥ
devāstvā śukrapāḥ praṇayantv iti śukram adhvaryur ādatte
stuto'si janadhāḥ
devāstvā manthipāḥ praṇayantv iti manthinaṃ pratiprasthātā
- 12
सावित्रेणोभाव् उपरिष्टात्प्रोक्षिताभ्यां शकलाभ्याम् अपिधत्तः
sāvitreṇobhāv upariṣṭātprokṣitābhyāṃ śakalābhyām apidhattaḥ
- 13
अधस्ताद् अप्रोक्षिताभ्यां पांसून् अपध्वंसयतः
adhastād aprokṣitābhyāṃ pāṃsūn apadhvaṃsayataḥ
- 14
अपनुत्तः शण्डः सहामुनेत्य् अध्वर्युः
यं द्वेष्टि तस्य नाम गृह्णाति
apanuttaḥ śaṇḍaḥ sahāmunety adhvaryuḥ
yaṃ dveṣṭi tasya nāma gṛhṇāti
- 15
अपनुत्तो मर्कः सहामुनेति प्रतिप्रस्थाता
यं द्वेष्टि तस्य नाम गृह्णाति
apanutto markaḥ sahāmuneti pratiprasthātā
yaṃ dveṣṭi tasya nāma gṛhṇāti
- 16
हस्ताभ्याम् अपिधाय प्राञ्चाव् उपनिष्क्रामत उर्व् अन्तरिक्षं वीहीति
hastābhyām apidhāya prāñcāv upaniṣkrāmata urv antarikṣaṃ vīhīti

