16 shlokas
- 1
ततः पुनर् अभ्युन्नीतैश्चरन्ति
tataḥ punar abhyunnītaiścaranti
- 2
द्रोणकलशाद् अभ्युन्नीता भवन्ति
droṇakalaśād abhyunnītā bhavanti
- 3
मैत्रावरुणचमसम् आदायाध्वर्युर् अत्याक्रम्याश्राव्याह प्रशास्तर्यजेति
वषट्कृते जुहोति
maitrāvaruṇacamasam ādāyādhvaryur atyākramyāśrāvyāha praśāstaryajeti
vaṣaṭkṛte juhoti
- 4
एवम् अनुपूर्वं यो यो यजते तं तं संप्रेष्यति ब्रह्मन्यज
पोतर्यज
नेष्टर्यज
अग्नीद्यजेति
evam anupūrvaṃ yo yo yajate taṃ taṃ saṃpreṣyati brahmanyaja
potaryaja
neṣṭaryaja
agnīdyajeti
- 5
एतेषाम् एते चमसा भवन्ति
eteṣām ete camasā bhavanti
- 6
सर्वासु सोमाहुतीष्व् अनुवषट्कार आम्नातो भवति
sarvāsu somāhutīṣv anuvaṣaṭkāra āmnāto bhavati
- 7
अयाड् अग्नीद् इति होत्र आचष्टे
ayāḍ agnīd iti hotra ācaṣṭe
- 8
स भद्रम् अकर्यो नः सोमं पाययिष्यतीति होता प्रत्याह
sa bhadram akaryo naḥ somaṃ pāyayiṣyatīti hotā pratyāha
- 9
भक्षम् अभिमन्त्रयते भक्षेहि माविशेति
bhakṣam abhimantrayate bhakṣehi māviśeti
- 10
प्रतिगृह्णात्य् अश्विनोस्त्वा बाहुभ्यां सघ्यासम् इति
pratigṛhṇāty aśvinostvā bāhubhyāṃ saghyāsam iti
- 11
अवेक्षते नृचक्षसं त्वा देव सोम सुचक्षा अव ख्येषम् इति
avekṣate nṛcakṣasaṃ tvā deva soma sucakṣā ava khyeṣam iti
- 12
यत्र क्व च भक्षयेद् एवम् एवैतान्मन्त्राञ्जपेत्
yatra kva ca bhakṣayed evam evaitānmantrāñjapet
- 13
अथैतम् उपहवम् इष्ट्वा प्राणेषूपनियम्य भक्षयति मन्द्राभिभूतिर् इति
athaitam upahavam iṣṭvā prāṇeṣūpaniyamya bhakṣayati mandrābhibhūtir iti
- 14
ये के चानैन्द्रा अनाराशंसाः प्रातःसवन एष एवैतेषां भक्षमन्त्रो भवति
ye ke cānaindrā anārāśaṃsāḥ prātaḥsavana eṣa evaiteṣāṃ bhakṣamantro bhavati
- 15
वाग्देवी सोमस्य तृप्यत्व् इत्य् एके सार्वत्रिकं समामनन्ति
vāgdevī somasya tṛpyatv ity eke sārvatrikaṃ samāmananti
- 16
द्विर् ऐन्द्रवायवं भक्षयति सकृत्सकृद् इतरौ
चक्षुषोर् उपनिग्राहं मैत्रावरुणम्
श्रोत्रयोर् उपनिग्राहं सर्वतः परिहारम् आश्विनम्
dvir aindravāyavaṃ bhakṣayati sakṛtsakṛd itarau
cakṣuṣor upanigrāhaṃ maitrāvaruṇam
śrotrayor upanigrāhaṃ sarvataḥ parihāram āśvinam

