25 shlokas
- 1
होता प्रथमो भक्षयत्य् अथाध्वर्युर् अथ प्रतिप्रस्थाता
hotā prathamo bhakṣayaty athādhvaryur atha pratiprasthātā
- 2
यत्र क्व चैकपात्रे भक्षयेयुर्द्वौ वा बहवो वा वषट्कर्तैव प्रथमो भक्षयेत्
yatra kva caikapātre bhakṣayeyurdvau vā bahavo vā vaṣaṭkartaiva prathamo bhakṣayet
- 3
ये के चैककाले भक्षयेयुः सर्व एव मिथः कर्मनामभिः समुपह्वयेरन्
ye ke caikakāle bhakṣayeyuḥ sarva eva mithaḥ karmanāmabhiḥ samupahvayeran
- 4
असाव् असाव् उपह्वयस्वेत्य् आमन्त्रणः
उपहूत इति प्रतिवचनः
asāv asāv upahvayasvety āmantraṇaḥ
upahūta iti prativacanaḥ
- 5
भक्षयित्वात्मानं प्रत्यभिमृशति हिन्व मे गात्रा हरिव इति
bhakṣayitvātmānaṃ pratyabhimṛśati hinva me gātrā hariva iti
- 6
यत्र क्व च भक्षयेद् एवम् एवात्मानं प्रत्यभिमृशेत्
yatra kva ca bhakṣayed evam evātmānaṃ pratyabhimṛśet
- 7
भक्षयित्वा नानूत्सृजन्त्य् आवनयनात्
bhakṣayitvā nānūtsṛjanty āvanayanāt
- 8
होतृचमसे द्विदेवत्यसंपातान् अवनीय पुरोडाशशकलम् ऐन्द्रवायवस्य पात्रे ऽवदधाति
पयस्यां मैत्रावरुणस्य
धाना आश्विनस्य
hotṛcamase dvidevatyasaṃpātān avanīya puroḍāśaśakalam aindravāyavasya pātre 'vadadhāti
payasyāṃ maitrāvaruṇasya
dhānā āśvinasya
- 9
अथैतानि दक्षिणस्य हविर्धानस्योत्तरस्यां वर्तन्यां पश्चादक्षं सादयति
athaitāni dakṣiṇasya havirdhānasyottarasyāṃ vartanyāṃ paścādakṣaṃ sādayati
- 10
एवं सन्नान्य् एव भवन्त्य् आ तृतीयसवनात्
evaṃ sannāny eva bhavanty ā tṛtīyasavanāt
- 11
निरवदाय होत्र इडाम् आदधाति
niravadāya hotra iḍām ādadhāti
- 12
उपह्वयते होतेडाम्
upahvayate hoteḍām
- 13
उपोद्यच्छन्त्य् अस्मै चमसान्
upodyacchanty asmai camasān
- 14
होतृचमसं संस्पृष्टं धारयति
hotṛcamasaṃ saṃspṛṣṭaṃ dhārayati
- 15
उपहूताम् इडां प्राश्नन्ति ये प्रकृतौ
upahūtām iḍāṃ prāśnanti ye prakṛtau
- 16
पुरोडाशशकलम् अच्छावाकाय निदधाति
puroḍāśaśakalam acchāvākāya nidadhāti
- 17
यथाचमसं चमसिनो भक्षयन्ति
yathācamasaṃ camasino bhakṣayanti
- 18
वसुमद्गणस्य सोम देव त इति मध्यतःकारिणः
vasumadgaṇasya soma deva ta iti madhyataḥkāriṇaḥ
- 19
अनैन्द्रैर् एवेतरेषां भक्षमन्त्रो व्याख्यातः
anaindrair evetareṣāṃ bhakṣamantro vyākhyātaḥ
- 20
सर्वेषु चमसेषु होता भक्षयति
sarveṣu camaseṣu hotā bhakṣayati
- 21
सर्वेषु पुनर् अभ्युन्नीतेष्व् अध्वर्युः मन्द्राभिभूतिर् इति
sarveṣu punar abhyunnīteṣv adhvaryuḥ mandrābhibhūtir iti
- 22
यतरो ऽध्वर्युर्जुहुयात्स वषट्कर्तारं प्रतिभक्षयेत्
yataro 'dhvaryurjuhuyātsa vaṣaṭkartāraṃ pratibhakṣayet
- 23
भक्षयित्वाप्याययति आ प्यायस्व समेतु त इति
bhakṣayitvāpyāyayati ā pyāyasva sametu ta iti
- 24
यत्र क्व चाप्याययेद् एतयैवाप्याययेत्
yatra kva cāpyāyayed etayaivāpyāyayet
- 25
सीदन्ति नाराशंसा आप्यायिता दक्षिणस्य हविर्धानस्याधस्ताद् अपालम्बे
sīdanti nārāśaṃsā āpyāyitā dakṣiṇasya havirdhānasyādhastād apālambe

