12 shlokas
- 1
तौ देवौ शुक्रामन्थिनौ
कल्पयतं दैवीर्विशः
कल्पयतं मानुषीः
इषम् ऊर्जम् अस्मासु धत्तम्
प्राणान्पशुषु
प्रजां मयि च यजमाने चेति
tau devau śukrāmanthinau
kalpayataṃ daivīrviśaḥ
kalpayataṃ mānuṣīḥ
iṣam ūrjam asmāsu dhattam
prāṇānpaśuṣu
prajāṃ mayi ca yajamāne ceti
- 2
पुरस्तात्प्रत्यञ्चाव् उत्तरवेदिम् आक्रम्य बहिर्वेद्य् अप्रोक्षितौ शकलौ निरस्यतस्तेनैव मन्त्रेण
purastātpratyañcāv uttaravedim ākramya bahirvedy aprokṣitau śakalau nirasyatastenaiva mantreṇa
- 3
अप उपस्पृश्याग्नौ प्रोक्षितौ प्रास्यतः
शुक्रस्य समिद् असि इत्य् अध्वर्युः
मन्थिनः समिद् असीति प्रतिप्रस्थाता
apa upaspṛśyāgnau prokṣitau prāsyataḥ
śukrasya samid asi ity adhvaryuḥ
manthinaḥ samid asīti pratiprasthātā
- 4
पश्चात्प्राञ्चश्चमसाध्वर्यवश्चमसैर् अवतिष्ठन्ते
paścātprāñcaścamasādhvaryavaścamasair avatiṣṭhante
- 5
आश्राव्य प्रत्याश्राविते संप्रेष्यति प्रातः प्रातःसावस्य शुक्रवतो मन्थिवतो मधुश्चुत इन्द्राय सोमान्प्रस्थितान्प्रेष्य मध्यतःकारिणां चमसाध्वर्यवो वषट्कृतानुवषट्कृताञ्जुहुत होत्रकाणां चमसाध्वर्यवः सकृत्सकृद्भूत्वा शुक्रस्याभ्युन्नीयोपावर्तध्वम् इति
āśrāvya pratyāśrāvite saṃpreṣyati prātaḥ prātaḥsāvasya śukravato manthivato madhuścuta indrāya somānprasthitānpreṣya madhyataḥkāriṇāṃ camasādhvaryavo vaṣaṭkṛtānuvaṣaṭkṛtāñjuhuta hotrakāṇāṃ camasādhvaryavaḥ sakṛtsakṛdbhūtvā śukrasyābhyunnīyopāvartadhvam iti
- 6
वषट्कृते जुह्वति
vaṣaṭkṛte juhvati
- 7
शुक्रामन्थिनौ जुहुतः
स प्रथमः संकृतिर्विश्वकर्मा
स प्रथमो मित्रो वरुणो अग्निः
स प्रथमो बृहस्पतिश्चिकित्वान्
तस्मा इन्द्राय सुतम् आ जुहोमि स्वाहा
इत्य् अध्वर्युः
तस्मै सूर्याय सुतम् आ जुहोमि स्वाहेति प्रतिप्रस्थाता
śukrāmanthinau juhutaḥ
sa prathamaḥ saṃkṛtirviśvakarmā
sa prathamo mitro varuṇo agniḥ
sa prathamo bṛhaspatiścikitvān
tasmā indrāya sutam ā juhomi svāhā
ity adhvaryuḥ
tasmai sūryāya sutam ā juhomi svāheti pratiprasthātā
- 8
सानुवषट्काराव् एके शुक्रामन्थिनौ समामनन्ति
अननुवषट्काराव् एके
अन्यतरं सानुवषट्कारम् एके
sānuvaṣaṭkārāv eke śukrāmanthinau samāmananti
ananuvaṣaṭkārāv eke
anyataraṃ sānuvaṣaṭkāram eke
- 9
अनुवषट्कृते मध्यतःकारिणां चमसाज्जुह्वत्य् अपयच्छन्तीतरान्
anuvaṣaṭkṛte madhyataḥkāriṇāṃ camasājjuhvaty apayacchantītarān
- 10
उत्तरतःपुरस्ताद् अङ्गारान्निर्वर्त्य प्रतिप्रस्थाता मन्थिनः संस्रावं जुहोत्य् एष ते रुद्र भागो यं निरयाचथास्तं जुषस्व स्वाहेति
uttarataḥpurastād aṅgārānnirvartya pratiprasthātā manthinaḥ saṃsrāvaṃ juhoty eṣa te rudra bhāgo yaṃ nirayācathāstaṃ juṣasva svāheti
- 11
सूदवच्छुक्रपात्रम् आयतने सादयित्वा संप्रेष्यति प्रैतु होतुश्चमसः प्र ब्रह्मणः प्रोद्गातुः प्र यजमानस्येति
sūdavacchukrapātram āyatane sādayitvā saṃpreṣyati praitu hotuścamasaḥ pra brahmaṇaḥ prodgātuḥ pra yajamānasyeti
- 12
एते मध्यतःकारिणां चमसा भवन्ति
ete madhyataḥkāriṇāṃ camasā bhavanti

