16 shlokas
- 1
यदि कामयेताध्वर्युर् आत्मानं यज्ञयशसेनार्पयेयम् इत्य् एतद्यथासमाम्नातम्
yadi kāmayetādhvaryur ātmānaṃ yajñayaśasenārpayeyam ity etadyathāsamāmnātam
- 2
यथाचमसं चमसिनो भक्षयन्ति मन्द्राभिभूतिर् इति
yathācamasaṃ camasino bhakṣayanti mandrābhibhūtir iti
- 3
एवं प्रतिप्रस्थातोत्तराभ्याम् उक्थ्यविग्रहाभ्याम् अभक्षयन्प्रचरति
evaṃ pratiprasthātottarābhyām ukthyavigrahābhyām abhakṣayanpracarati
- 4
यो यो मुख्यश्चमसस्तस्मिंस्तस्मिन्संस्रावम् अवनयति
yo yo mukhyaścamasastasmiṃstasminsaṃsrāvam avanayati
- 5
ब्राह्मणाच्छंसिचमसमुख्यो द्वितीयः
अच्छावाकचमसमुख्यस्तृतीयः
brāhmaṇācchaṃsicamasamukhyo dvitīyaḥ
acchāvākacamasamukhyastṛtīyaḥ
- 6
एतेन शस्त्रयाज्यानाम् आनुपूर्व्यं व्याख्यातम्
etena śastrayājyānām ānupūrvyaṃ vyākhyātam
- 7
एतावन्नाना
इन्द्राय त्वेति ब्राह्मणाच्छंसिनो ग्रहणसादनौ भवतः
ऐन्द्रो भक्षमन्त्रः
इन्द्राग्निभ्यां त्वेत्य् अच्छावाकस्य ग्रहणसादनौ भवतः
मन्द्राभिभूतिर् इति भक्षमन्त्रः
etāvannānā
indrāya tveti brāhmaṇācchaṃsino grahaṇasādanau bhavataḥ
aindro bhakṣamantraḥ
indrāgnibhyāṃ tvety acchāvākasya grahaṇasādanau bhavataḥ
mandrābhibhūtir iti bhakṣamantraḥ
- 8
उत्तमम् उक्थ्यविग्रहं गृहीत्वा न स्थालीं प्रत्यभिमृशति
uttamam ukthyavigrahaṃ gṛhītvā na sthālīṃ pratyabhimṛśati
- 9
न्युप्योक्थ्यस्थालीं षोडशिनं गृह्णात्य् आ तिष्ठ वृत्रहन्रथम् इत्य् एतेनानुवाकेनोत्तरेण वा
nyupyokthyasthālīṃ ṣoḍaśinaṃ gṛhṇāty ā tiṣṭha vṛtrahanratham ity etenānuvākenottareṇa vā
- 10
अपि चैनं धाराग्रहाणाम् उत्तमं गृह्णीयात्
api cainaṃ dhārāgrahāṇām uttamaṃ gṛhṇīyāt
- 11
एवम् एवोत्तरेणानुवाकेन सवने सवने षोडशिनम् अभिगृह्णाति
evam evottareṇānuvākena savane savane ṣoḍaśinam abhigṛhṇāti
- 12
षोडशिनं गृहीत्वा संप्रेष्यत्य् उत्तमांश्चमसान् उन्नय द्रोणकलशं पूतभृत्य् अवनय सर्वं राजानं चमसेषून्नय दशाभिः कलशौ मृष्ट्वा न्युब्जेति
ṣoḍaśinaṃ gṛhītvā saṃpreṣyaty uttamāṃścamasān unnaya droṇakalaśaṃ pūtabhṛty avanaya sarvaṃ rājānaṃ camaseṣūnnaya daśābhiḥ kalaśau mṛṣṭvā nyubjeti
- 13
उक्थशा इत्य् आह प्रातःसवनं प्रतिगीर्य
ukthaśā ity āha prātaḥsavanaṃ pratigīrya
- 14
अग्निः प्रातःसवने पात्व् अस्मान् इत्य् आहुतिं हुत्वा संप्रेष्यति प्रशास्तः प्रसुहीति
agniḥ prātaḥsavane pātv asmān ity āhutiṃ hutvā saṃpreṣyati praśāstaḥ prasuhīti
- 15
सर्पतेत्य् आह प्रशास्ता
sarpatety āha praśāstā
- 16
संतिष्ठते प्रातःसवनम्
saṃtiṣṭhate prātaḥsavanam

