18 shlokas
- 1
अन्याभ्याम् अन्याभ्याम् अंशुभ्यां प्रतिप्रस्थाता पात्रम् अपिदधाति
anyābhyām anyābhyām aṃśubhyāṃ pratiprasthātā pātram apidadhāti
- 2
असादयित्वा ग्रहम् आदायाध्वर्युर् उत्तिष्ठति स्वांकृतो ऽसि मधुमतीर्न इषस्कृधीति
asādayitvā graham ādāyādhvaryur uttiṣṭhati svāṃkṛto 'si madhumatīrna iṣaskṛdhīti
- 3
उत्तरेण होतारं हरत्य् उर्व् अन्तरिक्षम् अन्विहीति
uttareṇa hotāraṃ haraty urv antarikṣam anvihīti
- 4
मनस्त्वाष्ट्व् इत्य् उत्तरं परिधिसंधिम् अन्ववतिष्ठतः
manastvāṣṭv ity uttaraṃ paridhisaṃdhim anvavatiṣṭhataḥ
- 5
ऋजुस्तिष्ठन्दक्षिणाप्राञ्चं संततं जुहोति स्वाहा त्वा सुभवः सूर्यायेति
ṛjustiṣṭhandakṣiṇāprāñcaṃ saṃtataṃ juhoti svāhā tvā subhavaḥ sūryāyeti
- 6
देवेभ्यस्त्वा मरीचिपेभ्य इति हुत्वा परिधौ लेपं निमार्ष्टि
devebhyastvā marīcipebhya iti hutvā paridhau lepaṃ nimārṣṭi
- 7
यदि कामयेत वर्षुकः पर्जन्यः स्याद् इति नीचा हस्तेन निमृज्यात्
yadi kāmayeta varṣukaḥ parjanyaḥ syād iti nīcā hastena nimṛjyāt
- 8
यदि कामयेतावर्षुकः स्याद् इत्य् उत्तानेन निमृज्यात्
yadi kāmayetāvarṣukaḥ syād ity uttānena nimṛjyāt
- 9
आग्रयणस्थाल्यां संपातम् अवनीयायतने पात्रं सादयत्य् एष ते योनिः प्राणाय त्वेति
āgrayaṇasthālyāṃ saṃpātam avanīyāyatane pātraṃ sādayaty eṣa te yoniḥ prāṇāya tveti
- 10
अनभिषुतानाम् अंशूनाम् एकम् आदायाध्वर्युर् उपांशुपात्रे ऽपास्यति
स आ तृतीयसवनात्परिशेरे
anabhiṣutānām aṃśūnām ekam ādāyādhvaryur upāṃśupātre 'pāsyati
sa ā tṛtīyasavanātpariśere
- 11
ततो ऽंशुष्वंशून् अपिसृजति यत्ते सोमादाभ्यं नाम जागृवीति
द्वौद्वाव् अनुसवनं वा
tato 'ṃśuṣvaṃśūn apisṛjati yatte somādābhyaṃ nāma jāgṛvīti
dvaudvāv anusavanaṃ vā
- 12
यद्य् अभिचरेद् अमुष्य त्वा प्राणे सादयामीत्य् उपांशुं गृहीत्वा सादयेत्
yady abhicared amuṣya tvā prāṇe sādayāmīty upāṃśuṃ gṛhītvā sādayet
- 13
अथैनं सावित्रेणादाय हरति
athainaṃ sāvitreṇādāya harati
- 14
समानम् आ होमात्
samānam ā homāt
- 15
होष्यन्न् अभिमन्त्रयते ऽमुं जह्य् अथ त्वा होष्यामीति
hoṣyann abhimantrayate 'muṃ jahy atha tvā hoṣyāmīti
- 16
यदि दूरे स्याद् आ तमितोस्तिष्ठेत्
yadi dūre syād ā tamitostiṣṭhet
- 17
समन्य जुहोति प्रहर्षिणो मदिरस्य मदे मृषासाव् अस्तु स्वाहेति
samanya juhoti praharṣiṇo madirasya made mṛṣāsāv astu svāheti
- 18
समानम् इतरत्
samānam itarat

