18 shlokas
- 1
सर्वान्सोमान्सहिरण्येन पाणिना गृह्णाति च जुहोति च
sarvānsomānsahiraṇyena pāṇinā gṛhṇāti ca juhoti ca
- 2
सर्वाः सोमाहुतीः प्राङ्मुखो जुहोति
sarvāḥ somāhutīḥ prāṅmukho juhoti
- 3
हुत्वा सदसि शेषं भक्षयति
hutvā sadasi śeṣaṃ bhakṣayati
- 4
मार्जालीये पात्रं प्रक्षालयति
mārjālīye pātraṃ prakṣālayati
- 5
सदस्य् एवात ऊर्ध्वं सोमभक्षान्भक्षयन्ति
आग्नीध्रे हविर्भक्षान्
sadasy evāta ūrdhvaṃ somabhakṣānbhakṣayanti
āgnīdhre havirbhakṣān
- 6
मार्जालीय उच्छिष्टपात्राणि प्रक्षालयति
mārjālīya ucchiṣṭapātrāṇi prakṣālayati
- 7
ततो ऽदाभ्यं गृह्णाति
tato 'dābhyaṃ gṛhṇāti
- 8
उपनद्धस्य राज्ञस्त्रीन् अंशून्प्रवृहति वसवस्त्वा प्र वृहन्तु गायत्रेण छन्दसेत्य् एतैर्मन्त्रैः
upanaddhasya rājñastrīn aṃśūnpravṛhati vasavastvā pra vṛhantu gāyatreṇa chandasety etairmantraiḥ
- 9
निग्राभ्याणां दध्नः पयसो वा चमसे निःषिच्यांशून् आधूनोति मान्दासु ते शुक्र शुक्रम् आ धूनोमीत्येतैर्मन्त्रैः
nigrābhyāṇāṃ dadhnaḥ payaso vā camase niḥṣicyāṃśūn ādhūnoti māndāsu te śukra śukram ā dhūnomītyetairmantraiḥ
- 10
त्रिभिर् आधूनोतीत्य् एकेषाम्
पञ्चभिर् इत्य् एकेषाम्
सप्तभिर् इत्य् एकेषाम्
tribhir ādhūnotīty ekeṣām
pañcabhir ity ekeṣām
saptabhir ity ekeṣām
- 11
अथैनं दधिग्रहपात्रेण गृह्णाति शुक्रं ते शुक्रेण गृह्णामि
अग्निः प्रातःसवने पात्व् अस्मान् इति चैताभिस्तिसृभिः
athainaṃ dadhigrahapātreṇa gṛhṇāti śukraṃ te śukreṇa gṛhṇāmi
agniḥ prātaḥsavane pātv asmān iti caitābhistisṛbhiḥ
- 12
हरत्य् आस्मिन्न् उग्रा अचुच्यवुर् इति
haraty āsminn ugrā acucyavur iti
- 13
जुहोति सोमः सोमस्य पुरोगा इति
juhoti somaḥ somasya purogā iti
- 14
ततो ऽंशुष्व् अंशून् अपिसृजत्य् उशिक्त्वं देव सोम गायत्रेण छन्दसेत्य् एतैः प्रतिमन्त्रम्
tato 'ṃśuṣv aṃśūn apisṛjaty uśiktvaṃ deva soma gāyatreṇa chandasety etaiḥ pratimantram
- 15
अनुसवनम् अपिसृजेद् इत्य् एकम्
तदानीम् एकैकम् अपिसृजेद् इत्य् अपरम्
anusavanam apisṛjed ity ekam
tadānīm ekaikam apisṛjed ity aparam
- 16
द्वादश पष्ठौहीर्दक्षिणा ददाति कृत्त्यधीवासं च
dvādaśa paṣṭhauhīrdakṣiṇā dadāti kṛttyadhīvāsaṃ ca
- 17
ततो ऽंशुं गृह्णाति
tato 'ṃśuṃ gṛhṇāti
- 18
अधिषवणचर्मणि राजानं निवपति यावन्तम् एकग्रहायाप्तं मन्यते
adhiṣavaṇacarmaṇi rājānaṃ nivapati yāvantam ekagrahāyāptaṃ manyate

