14 shlokas
- 1
अथैनान्संमृशत्य् अपां क्षया ऋतस्य गर्भाः
भुवनस्य गोपाः श्येना अतिथयः
पर्वतानां ककुभः न पातारः
वग्नुनेन्द्रं ह्वयत
घोषेणामीवाꣳश्चातयत
युक्ताः स्थ वहत
स्वर्गं लोकम् अभिवहत यजमानम् इति
athainānsaṃmṛśaty apāṃ kṣayā ṛtasya garbhāḥ
bhuvanasya gopāḥ śyenā atithayaḥ
parvatānāṃ kakubhaḥ na pātāraḥ
vagnunendraṃ hvayata
ghoṣeṇāmīvām̐ścātayata
yuktāḥ stha vahata
svargaṃ lokam abhivahata yajamānam iti
- 2
सवनीयस्य तन्त्रं प्रक्रमयति
savanīyasya tantraṃ prakramayati
- 3
समानम् आज्यानां ग्रहणात्
samānam ājyānāṃ grahaṇāt
- 4
लौकिकाद् आज्यात्प्रचरण्याम् अग्रे गृह्णाति
laukikād ājyātpracaraṇyām agre gṛhṇāti
- 5
सहेध्मेनैधान्प्रोक्षति यान् एतद् अहर् अभ्याधास्यन्भवति
sahedhmenaidhānprokṣati yān etad ahar abhyādhāsyanbhavati
- 6
यत्किंचाभि तयोर् आघारसमिधोर् आदध्यात्प्रोक्षितम् एवादध्यात्
yatkiṃcābhi tayor āghārasamidhor ādadhyātprokṣitam evādadhyāt
- 7
समानम् आ स्रुचां सादनात्
samānam ā srucāṃ sādanāt
- 8
स्रुचः सन्ना अभिमृशति युनज्मि तिस्रो विपृचः सूर्यस्य त इति
srucaḥ sannā abhimṛśati yunajmi tisro vipṛcaḥ sūryasya ta iti
- 9
अत्रैके पात्रप्रयोजनं समामनन्ति
atraike pātraprayojanaṃ samāmananti
- 10
आसन्यान्मा मन्त्रात्पाहि कस्याश्चिद् अभिशस्त्या इत्य् आग्नीध्रे हुत्वान्तरेषे राजानं ग्रावसूपावहरति हृदे त्वा
सोम राजन्न् एह्य् अवरोहेति द्वाभ्याम्
āsanyānmā mantrātpāhi kasyāścid abhiśastyā ity āgnīdhre hutvāntareṣe rājānaṃ grāvasūpāvaharati hṛde tvā
soma rājann ehy avaroheti dvābhyām
- 11
अथाग्नीध्रे पञ्चहोतारं हुत्वा होत्रे प्रातरनुवाकाय संप्रेष्यति देवेभ्यः प्रातर्यावभ्यो ऽनुब्रूहि ब्रह्मन्वाचं यच्छ सुब्रह्मण्य सुब्रह्मण्याम् आह्वय प्रतिप्रस्थातः सवनीयान्निर्वपामिक्षां दोहयेति
athāgnīdhre pañcahotāraṃ hutvā hotre prātaranuvākāya saṃpreṣyati devebhyaḥ prātaryāvabhyo 'nubrūhi brahmanvācaṃ yaccha subrahmaṇya subrahmaṇyām āhvaya pratiprasthātaḥ savanīyānnirvapāmikṣāṃ dohayeti
- 12
यं द्विष्यात्तस्य प्रवदितासु वाक्सूपाकुर्यात्
yaṃ dviṣyāttasya pravaditāsu vāksūpākuryāt
- 13
आह्वयति सुब्रह्मण्यः सुब्रह्मण्यां पितापुत्रीयाम्
āhvayati subrahmaṇyaḥ subrahmaṇyāṃ pitāputrīyām
- 14
अत्र सवनीयान्निर्वपेद् आमिक्षां दोहयेद् इत्य् एकम्
उपरितराम् इत्य् अपरम्
atra savanīyānnirvaped āmikṣāṃ dohayed ity ekam
uparitarām ity aparam

