12 shlokas
- 1
अपरेण नेष्टुर्धिष्णियं पत्नी पन्नेजनीः सादयति वसुभ्यो रुद्रेभ्य आदित्येभ्यो विश्वेभ्यो वो देवेभ्यः पन्नेजनीः सादयामि यज्ञाय वः पन्नेजनीः सादयामीति
apareṇa neṣṭurdhiṣṇiyaṃ patnī pannejanīḥ sādayati vasubhyo rudrebhya ādityebhyo viśvebhyo vo devebhyaḥ pannejanīḥ sādayāmi yajñāya vaḥ pannejanīḥ sādayāmīti
- 2
उपरि चात्वाले ऽध्वर्युर्होतृचमसं च मैत्रावरुणचमसं च संस्पृश्य वसतीवरीर्व्यानयति सम् आपो अद्भिर् अग्मत सम् ओषधीभिर् ओषधयः सं व्रतैर्व्रतचारिण इति
upari cātvāle 'dhvaryurhotṛcamasaṃ ca maitrāvaruṇacamasaṃ ca saṃspṛśya vasatīvarīrvyānayati sam āpo adbhir agmata sam oṣadhībhir oṣadhayaḥ saṃ vratairvratacāriṇa iti
- 3
होतृचमस आनीय मैत्रावरुणचमसं पूरयति
मैत्रावरुणचमसाद्धोतृचमसम्
होतृचमसान्मैत्रावरुणचमसम्
hotṛcamasa ānīya maitrāvaruṇacamasaṃ pūrayati
maitrāvaruṇacamasāddhotṛcamasam
hotṛcamasānmaitrāvaruṇacamasam
- 4
अथैनाः प्रचरण्या समनक्ति सं वो ऽनक्तु वरुणः सम् इन्द्रः सं बृहस्पतिः
त्वष्टा विष्णुः प्रजया संरराणो यजमानाय द्रविणं दधातु
इति
यथायथं धुरो धूर्भिः कल्पन्ताम् इति च
athaināḥ pracaraṇyā samanakti saṃ vo 'naktu varuṇaḥ sam indraḥ saṃ bṛhaspatiḥ
tvaṣṭā viṣṇuḥ prajayā saṃrarāṇo yajamānāya draviṇaṃ dadhātu
iti
yathāyathaṃ dhuro dhūrbhiḥ kalpantām iti ca
- 5
पृच्छति होताध्वर्युम् अध्वर्यो ऽवेर् अप इति
pṛcchati hotādhvaryum adhvaryo 'ver apa iti
- 6
उतेम् अनन्नमुर् इति प्रत्याह
utem anannamur iti pratyāha
- 7
ततः क्रतुकरणं जुहोति यम् अग्ने पृत्सु मर्त्यम् इत्य् एतया यद्य् अग्निष्टोमः
tataḥ kratukaraṇaṃ juhoti yam agne pṛtsu martyam ity etayā yady agniṣṭomaḥ
- 8
यद्य् उक्थ्यो हुत्वा परिधौ लेपं निमार्ष्टि
yady ukthyo hutvā paridhau lepaṃ nimārṣṭi
- 9
यदि षोडशी हुत्वा परिधौ लेपं निमृज्य द्रोणकलशम् उपस्पृशति रराटीं वा
yadi ṣoḍaśī hutvā paridhau lepaṃ nimṛjya droṇakalaśam upaspṛśati rarāṭīṃ vā
- 10
न जुहोति न निमार्ष्टि नोपस्पृशति वाजपेये ऽतिरात्रे वा
एतद्यजुर्वदन्प्रपद्यते
na juhoti na nimārṣṭi nopaspṛśati vājapeye 'tirātre vā
etadyajurvadanprapadyate
- 11
दक्षिणस्य हविर्धानस्य प्रधुरे प्रचरणीं सादयति
dakṣiṇasya havirdhānasya pradhure pracaraṇīṃ sādayati
- 12
यं द्विष्यात्तम् उपस्पृशेत्
yaṃ dviṣyāttam upaspṛśet

