12 shlokas
- 1
तिरः पवित्रं स्रवन्त्या धाराया ग्रहान्गृह्णाति
tiraḥ pavitraṃ sravantyā dhārāyā grahāngṛhṇāti
- 2
यदि रथन्तरसामा सोमः स्याद् ऐन्द्रवायवाग्रान्गृह्णीयात्
यदि बृहत्सामा शुक्राग्रान्
यदि जगत्सामाग्रयणाग्रान्
उभयसामैन्द्रवायवाग्रान्गृह्णीयात्
yadi rathantarasāmā somaḥ syād aindravāyavāgrāngṛhṇīyāt
yadi bṛhatsāmā śukrāgrān
yadi jagatsāmāgrayaṇāgrān
ubhayasāmaindravāyavāgrāngṛhṇīyāt
- 3
ऐन्द्रवायवाग्रान्गृह्णीयाद् आमयाविन इति काम्यानि ग्रहाग्राणि ब्राह्मणव्याख्यातानि भवन्ति
ऐन्द्रवायवाग्रान् इत्य् एव भवन्ति
aindravāyavāgrāngṛhṇīyād āmayāvina iti kāmyāni grahāgrāṇi brāhmaṇavyākhyātāni bhavanti
aindravāyavāgrān ity eva bhavanti
- 4
यद्य् अन्यम् ऐन्द्रवायवात्काम्यं पूर्वं ग्रहं गृह्णीयाद्धारयेद् एवम् ऐन्द्रवायवस्य सादनात्
yady anyam aindravāyavātkāmyaṃ pūrvaṃ grahaṃ gṛhṇīyāddhārayed evam aindravāyavasya sādanāt
- 5
अथैनम् ऐन्द्रवायवं सादयित्वा सादयेत्
athainam aindravāyavaṃ sādayitvā sādayet
- 6
यान्प्राचीनम् आग्रयणाद्ग्रहान्गृह्णीयात्तान् उपांशु गृह्णीयात्
यान् ऊर्ध्वांस्तान् उपब्दिमत इति
yānprācīnam āgrayaṇādgrahāngṛhṇīyāttān upāṃśu gṛhṇīyāt
yān ūrdhvāṃstān upabdimata iti
- 7
आग्रयणाग्रान्गृह्णन्मन्थिनम् एव गृहीत्वा वाचं विसृजेत
उक्थ्याग्रान्गृह्णन्न् उपांशूक्थ्यं गृह्णीयात्
āgrayaṇāgrāngṛhṇanmanthinam eva gṛhītvā vācaṃ visṛjeta
ukthyāgrāngṛhṇann upāṃśūkthyaṃ gṛhṇīyāt
- 8
ऐन्द्रवायवं गृह्णाति आ वायो भूष शुचिपा इति प्रतिपद्य उपयामगृहीतो ऽसि वायवे त्वेत्य् अन्तेन
aindravāyavaṃ gṛhṇāti ā vāyo bhūṣa śucipā iti pratipadya upayāmagṛhīto 'si vāyave tvety antena
- 9
अपयम्य पात्रं पुनर् एव गृह्णातीन्द्रवायू इमे सुता इति प्रतिपद्य उपयामगृहीतो ऽसीन्द्रवायुभ्यां त्वेत्य् अन्तेन
apayamya pātraṃ punar eva gṛhṇātīndravāyū ime sutā iti pratipadya upayāmagṛhīto 'sīndravāyubhyāṃ tvety antena
- 10
अथैनं पवित्रेण परिमृज्यायतने सादयत्य् एष ते योनिः सजोषाभ्यां त्वेति
athainaṃ pavitreṇa parimṛjyāyatane sādayaty eṣa te yoniḥ sajoṣābhyāṃ tveti
- 11
एवम् एवेतरान्ग्रहान्यथादेवतं गृहीत्वा यथायतनं स्वेन स्वेन सादनेन सादयति
evam evetarāngrahānyathādevataṃ gṛhītvā yathāyatanaṃ svena svena sādanena sādayati
- 12
यर्ह्य् अनाम्नातं सादनं स्याद् एष ते योनिर् इत्य् एवैनं सादयेत्
yarhy anāmnātaṃ sādanaṃ syād eṣa te yonir ity evainaṃ sādayet

