16 shlokas
- 1
त्रीण्य् अतिग्राह्यपात्राणि प्रयुनक्ति
trīṇy atigrāhyapātrāṇi prayunakti
- 2
दक्षिणस्य हविर्धानस्याग्रेणोपस्तम्भनम् आदित्यस्थालीं चादित्यपात्रं च
उत्तरस्याग्रेणोपस्तम्भनम् अनुपोप्ते ध्रुवस्थालीम्
dakṣiṇasya havirdhānasyāgreṇopastambhanam ādityasthālīṃ cādityapātraṃ ca
uttarasyāgreṇopastambhanam anupopte dhruvasthālīm
- 3
उत्तरे ऽंसे औदुम्बरं चतुःस्रक्ति दधिग्रहपात्रम्
uttare 'ṃse audumbaraṃ catuḥsrakti dadhigrahapātram
- 4
मध्ये परिप्लवां यथा स्रुग् अदण्डा
madhye pariplavāṃ yathā srug adaṇḍā
- 5
यथावकाशं खादिरं चतुःस्रक्ति षोडशिपात्रं यदि षोडशी भवति
yathāvakāśaṃ khādiraṃ catuḥsrakti ṣoḍaśipātraṃ yadi ṣoḍaśī bhavati
- 6
प्रादेशमात्राण्य् ऊर्ध्वसानूनि मध्ये संनतानि वायव्यान्य् आसेचनवन्ति भवन्ति
prādeśamātrāṇy ūrdhvasānūni madhye saṃnatāni vāyavyāny āsecanavanti bhavanti
- 7
यान्य् अनादिष्टवृक्षाणि यः कश्च यज्ञियो वृक्षस्तस्य स्युर् इत्य् आश्मरथ्यः
वैकङ्कतानीत्य् आलेखनः
yāny anādiṣṭavṛkṣāṇi yaḥ kaśca yajñiyo vṛkṣastasya syur ity āśmarathyaḥ
vaikaṅkatānīty ālekhanaḥ
- 8
एतेन चमसानां वृक्षनियोगो व्याख्यातः
नैयग्रोधा एव स्युर् इत्य् अपरम्
etena camasānāṃ vṛkṣaniyogo vyākhyātaḥ
naiyagrodhā eva syur ity aparam
- 9
त्सरुमन्तो ऽत्सरुका वा दश चमसा भवन्ति
tsarumanto 'tsarukā vā daśa camasā bhavanti
- 10
दश चमसाध्वर्यवः
daśa camasādhvaryavaḥ
- 11
होतुर्ब्रह्मण उद्गातुर्यजमानस्य मैत्रावरुणस्य ब्राह्मणाच्छंसिनः पोतुर्नेष्टुर् अच्छावाकस्याग्नीध्रस्येत्य् एतेषाम् एते चमसाः
तान्खरे यथावकाशं प्रयुनक्ति
hoturbrahmaṇa udgāturyajamānasya maitrāvaruṇasya brāhmaṇācchaṃsinaḥ poturneṣṭur acchāvākasyāgnīdhrasyety eteṣām ete camasāḥ
tānkhare yathāvakāśaṃ prayunakti
- 12
दक्षिणस्य हविर्धानस्याधस्तात्पश्चाद् अक्षं द्रोणकलशं सदशापवित्रं प्रयुनक्ति युनज्मि ते पृथिवीं ज्योतिषा सहेति
dakṣiṇasya havirdhānasyādhastātpaścād akṣaṃ droṇakalaśaṃ sadaśāpavitraṃ prayunakti yunajmi te pṛthivīṃ jyotiṣā saheti
- 13
उत्तरस्य नीड आधवनीयं युनज्मि वायुम् अन्तरिक्षेण ते सहेति
uttarasya nīḍa ādhavanīyaṃ yunajmi vāyum antarikṣeṇa te saheti
- 14
प्रौगे पूतभृतं युनज्मि वाचं सह सूर्येण त इति
prauge pūtabhṛtaṃ yunajmi vācaṃ saha sūryeṇa ta iti
- 15
अत्रैके ऽधिषवणचर्मणो ग्राव्णाम् इति प्रयोजनं समामनन्ति
atraike 'dhiṣavaṇacarmaṇo grāvṇām iti prayojanaṃ samāmananti
- 16
उपरम् अभि संमुखा भवन्ति
uparam abhi saṃmukhā bhavanti

