9 shlokas
- 1
पत्न्य् ओदनस्य पत्नीभ्यो जुहोति भवस्य देवस्य पत्न्यै स्वाहा शर्वस्य देवस्य पत्न्यै स्वाहेशानस्य देवस्य पत्न्यै स्वाहोग्रस्य देवस्य पत्न्यै स्वाहा भीमस्य देवस्य पत्न्यै स्वाहा रुद्रस्य देवस्य पत्न्यै स्वाहा पशुपतेर्देवस्य पत्न्यै स्वाहा महतो देवस्य पत्न्यै स्वाहेति
patny odanasya patnībhyo juhoti bhavasya devasya patnyai svāhā śarvasya devasya patnyai svāheśānasya devasya patnyai svāhograsya devasya patnyai svāhā bhīmasya devasya patnyai svāhā rudrasya devasya patnyai svāhā paśupaterdevasya patnyai svāhā mahato devasya patnyai svāheti
- 2
जयन्ताय स्वाहेति मध्यमस्य जुहोति
jayantāya svāheti madhyamasya juhoti
- 3
सर्वेषाम् ओदनानां सकृत्सकृत्समवदायाभिघार्य जुहोत्य् अग्नये स्विष्टकृते स्वाहेति
sarveṣām odanānāṃ sakṛtsakṛtsamavadāyābhighārya juhoty agnaye sviṣṭakṛte svāheti
- 4
अथोपतिष्ठते स्वस्ति नः पूर्णमुखः परिक्रामत्व् इति
athopatiṣṭhate svasti naḥ pūrṇamukhaḥ parikrāmatv iti
- 5
अथातः पर्णविहारः
athātaḥ parṇavihāraḥ
- 6
गृहपोपस्पृश गृहपाय स्वाहा गृहप्य् उपस्पृश गृहप्यै स्वाहा जयन्तोपस्पृश जयन्ताय स्वाहेति षट्पलाशानि
gṛhapopaspṛśa gṛhapāya svāhā gṛhapy upaspṛśa gṛhapyai svāhā jayantopaspṛśa jayantāya svāheti ṣaṭpalāśāni
- 7
अथापराणि घोषिण उपस्पृशत घोषिभ्यः स्वाहा श्वासिन उपस्पृशत श्वासिभ्यः स्वाहा विचिन्वन्त उपस्पृशत विचिन्वद्भ्यः स्वाहा प्रचिन्वन्त उपस्पृशत प्रचिन्वद्भ्यः स्वाहा समश्नन्त उपस्पृशत समश्नद्भ्यः स्वाहेति दश
athāparāṇi ghoṣiṇa upaspṛśata ghoṣibhyaḥ svāhā śvāsina upaspṛśata śvāsibhyaḥ svāhā vicinvanta upaspṛśata vicinvadbhyaḥ svāhā pracinvanta upaspṛśata pracinvadbhyaḥ svāhā samaśnanta upaspṛśata samaśnadbhyaḥ svāheti daśa
- 8
अथापराणि देवसेना उपस्पृशत देवसेनाभ्यः स्वाहेति दशैव
athāparāṇi devasenā upaspṛśata devasenābhyaḥ svāheti daśaiva
- 9
अथापराणि या आख्याता देवसेना याश्चानाख्याताश्च ता उपस्पृशत ताभ्यः स्वाहेति दशैव
athāparāṇi yā ākhyātā devasenā yāścānākhyātāśca tā upaspṛśata tābhyaḥ svāheti daśaiva

