5 shlokas
- 1
एतत्ते प्रपितामहासौ मधुमद् अन्नं सरस्वतो यावान् आदित्यश्च द्यौश्च तावत्य् अस्य मात्रा तावतीं त एतां मात्रां भूतां ददामि यथादित्यो ऽक्षितो ऽनुपदस्त एवं मह्यं प्रपितामहायाक्षितो ऽनुपदस्तः स्वधा भवतां त्वं स्वधाम् अक्षितं तैः सहोपजीव यांश्च त्वम् अत्रान्व् असि ये च त्वाम् अनु
अत्र पितरो यथाभागं मन्दध्वम् इत्य् उक्त्वा पराङ् आवर्तते
etatte prapitāmahāsau madhumad annaṃ sarasvato yāvān ādityaśca dyauśca tāvaty asya mātrā tāvatīṃ ta etāṃ mātrāṃ bhūtāṃ dadāmi yathādityo 'kṣito 'nupadasta evaṃ mahyaṃ prapitāmahāyākṣito 'nupadastaḥ svadhā bhavatāṃ tvaṃ svadhām akṣitaṃ taiḥ sahopajīva yāṃśca tvam atrānv asi ye ca tvām anu
atra pitaro yathābhāgaṃ mandadhvam ity uktvā parāṅ āvartate
- 2
ओष्मणो व्यावृत उपास्ते
oṣmaṇo vyāvṛta upāste
- 3
व्यावृत्त ऊष्मण्य् अभिपर्यावर्तते ऽव्यावृत्ते वा
vyāvṛtta ūṣmaṇy abhiparyāvartate 'vyāvṛtte vā
- 4
अमीमदन्त पितरः सोम्या इत्य् अभिपर्यावृत्य नमस्कारैर् उपतिष्ठते नमो वः पितरो रसायेति प्रतिपद्याहं तेषां वसिष्ठो भूयासम् इत्यन्तेन
amīmadanta pitaraḥ somyā ity abhiparyāvṛtya namaskārair upatiṣṭhate namo vaḥ pitaro rasāyeti pratipadyāhaṃ teṣāṃ vasiṣṭho bhūyāsam ityantena
- 5
अद्भिः पात्रं प्रक्षाल्य पूरयित्वा प्रसव्यं त्रिः परिषिञ्चति पुत्रान्पौत्रान् अभितर्पयन्तीर् आपो मधुमतीर् इमाः
स्वधां पितृभ्यो अमृतं दुहाना आपो देवीर् उभयांस्तर्पयन्तु
ऊर्जं वहन्तीः क्षीरम् उदकं घृतं पयः कीलालं परिस्रुतं नदीर् इमा उदन्वतीर्वेतस्विनीः सुतीर्थ्या अमुष्मिन्लोक उप वः क्षरन्तु
ऊर्जस्वतीः पयस्वतीर्मधुना घृतेन स्वधा स्थ तर्पयत मे पितॄन्
इत्य् अप्रतीक्षम् एत्य
adbhiḥ pātraṃ prakṣālya pūrayitvā prasavyaṃ triḥ pariṣiñcati putrānpautrān abhitarpayantīr āpo madhumatīr imāḥ
svadhāṃ pitṛbhyo amṛtaṃ duhānā āpo devīr ubhayāṃstarpayantu
ūrjaṃ vahantīḥ kṣīram udakaṃ ghṛtaṃ payaḥ kīlālaṃ parisrutaṃ nadīr imā udanvatīrvetasvinīḥ sutīrthyā amuṣminloka upa vaḥ kṣarantu
ūrjasvatīḥ payasvatīrmadhunā ghṛtena svadhā stha tarpayata me pitṝn
ity apratīkṣam etya

