9 shlokas
- 1
अथैतान्य् अद्भुतप्रायश्चित्तानि भवन्ति
athaitāny adbhutaprāyaścittāni bhavanti
- 2
कुप्त्वां कपोत उपावेक्षीत्
kuptvāṃ kapota upāvekṣīt
- 3
मध्वागार उपावेक्षीत्
madhvāgāra upāvekṣīt
- 4
स्थूणा व्यरौक्षीत्
sthūṇā vyaraukṣīt
- 5
वल्मीक उदेति
valmīka udeti
- 6
सो ऽहःक्षान्तः प्रयतवस्त्रो ब्राह्मणसंभाषो ऽस्तमित आदित्ये ऽन्तरागारे ऽग्निम् उपसमाधाय जयाभ्यातानान्राष्ट्रभृत इति हुत्वैता आहुतीर्जुहोति पूर्णा पश्चाद् इमं मे वरुण तत्त्वा यामि त्वं नो अग्ने स त्वं नो अग्ने त्वम् अग्ने अयास्य् अयाश्चाग्ने ऽस्य् अनभिशस्तीश्च यद् अस्य कर्मणो ऽत्यरीरिचं प्रजापत इति
so 'haḥkṣāntaḥ prayatavastro brāhmaṇasaṃbhāṣo 'stamita āditye 'ntarāgāre 'gnim upasamādhāya jayābhyātānānrāṣṭrabhṛta iti hutvaitā āhutīrjuhoti pūrṇā paścād imaṃ me varuṇa tattvā yāmi tvaṃ no agne sa tvaṃ no agne tvam agne ayāsy ayāścāgne 'sy anabhiśastīśca yad asya karmaṇo 'tyarīricaṃ prajāpata iti
- 7
उत्तमां हुत्वा ब्राह्मणान् अन्नेन परिवेषयेत्
uttamāṃ hutvā brāhmaṇān annena pariveṣayet
- 8
अथैव पयसि स्थालीपाकः पौत्र्यः पशव्यः स्वर्ग्य आयुष्यः स्वयम्भोज्यस्तेन यजेत सर्वेषु पर्वस्व् औदुम्बरम् इध्मम् अभ्याधायौदुम्बर्या दर्व्योपस्तीर्णाभिघारितं स्थालीपाकं जुहोति
सहस्रम् एतु प्रथमं बभ्रूय यशसा सह
आगत्य बभ्रुः पिङ्गाक्षः सहस्रेणावकाङ्क्षतु स्वाहा
दिशो दिशो जातवेदो मह्यं जीवनम् आवह
पशूनां विश्वरूपाणां यथाहं सुमते वसानि स्वाहा
देवानां संभृतो रसः प्राजापत्यं यशो महत्
जुहोम्य् अन्नानां रसम् अछिद्रा कीर्तिर् अस्तु मे स्वाहा
अग्नाव् अग्निश्चरति प्रविष्ट ऋषीणां पुत्रो ऽधिराजा एषः
स्वाहाकृत्य ब्रह्मणा ते जुहोमि मा देवानां मिथुया कर्भागधेयम्
मो ऽस्माकं मोमुहद्भागधेयं स्वाहेति
athaiva payasi sthālīpākaḥ pautryaḥ paśavyaḥ svargya āyuṣyaḥ svayambhojyastena yajeta sarveṣu parvasv audumbaram idhmam abhyādhāyaudumbaryā darvyopastīrṇābhighāritaṃ sthālīpākaṃ juhoti
sahasram etu prathamaṃ babhrūya yaśasā saha
āgatya babhruḥ piṅgākṣaḥ sahasreṇāvakāṅkṣatu svāhā
diśo diśo jātavedo mahyaṃ jīvanam āvaha
paśūnāṃ viśvarūpāṇāṃ yathāhaṃ sumate vasāni svāhā
devānāṃ saṃbhṛto rasaḥ prājāpatyaṃ yaśo mahat
juhomy annānāṃ rasam achidrā kīrtir astu me svāhā
agnāv agniścarati praviṣṭa ṛṣīṇāṃ putro 'dhirājā eṣaḥ
svāhākṛtya brahmaṇā te juhomi mā devānāṃ mithuyā karbhāgadheyam
mo 'smākaṃ momuhadbhāgadheyaṃ svāheti
- 9
यथोपदेशं काम्यानि बलयश्च
yathopadeśaṃ kāmyāni balayaśca

