11 shlokas
- 1
तत्पूर्वं वास्तुशमनम्
tatpūrvaṃ vāstuśamanam
- 2
अथान्यत्
athānyat
- 3
शरणे कृत उदुम्बरपलाशानि ससुषिराणि यवैः सह गोमयं शाड्वलं रासभं मधु चैवात्र सप्तमं तैरगारं वास्तु च परिप्रोक्षेत्
śaraṇe kṛta udumbarapalāśāni sasuṣirāṇi yavaiḥ saha gomayaṃ śāḍvalaṃ rāsabhaṃ madhu caivātra saptamaṃ tairagāraṃ vāstu ca pariprokṣet
- 4
पूर्ण उदधिर्भवति प्रज्वलितो ऽग्निर्भवति
pūrṇa udadhirbhavati prajvalito 'gnirbhavati
- 5
ब्राह्मणमग्रे प्रवेशयति
brāhmaṇamagre praveśayati
- 6
ब्राह्मणमाह प्रविशानीति
brāhmaṇamāha praviśānīti
- 7
प्रविशतु भवान् आयुषा वर्चसा श्रियावृत इति ब्राह्मणानुमतः प्रविशति भूः प्रपद्ये भुवः प्रपद्ये श्रियं प्रपद्ये श्रीर्मा प्रविशत्विति
praviśatu bhavān āyuṣā varcasā śriyāvṛta iti brāhmaṇānumataḥ praviśati bhūḥ prapadye bhuvaḥ prapadye śriyaṃ prapadye śrīrmā praviśatviti
- 8
ब्राह्मणम् अनु प्रविश्य जयाभ्यातानान्राष्ट्रभृत इति हुत्वाग्निं देवानां महयति
अग्निर्देवानाम् अधिपतिः पुरीष्यो हव्यवाहनः
तं त्वैमि शरणं देव सपुत्रः सह ज्ञातिभिः स्वाहा
सदासभार्यः सामात्यः सायाम् अग्नये स्वाहेति
brāhmaṇam anu praviśya jayābhyātānānrāṣṭrabhṛta iti hutvāgniṃ devānāṃ mahayati
agnirdevānām adhipatiḥ purīṣyo havyavāhanaḥ
taṃ tvaimi śaraṇaṃ deva saputraḥ saha jñātibhiḥ svāhā
sadāsabhāryaḥ sāmātyaḥ sāyām agnaye svāheti
- 9
अग्निं महयित्वाथ राजानम् ईडते
त्वद्दत्तं वै बलं राज्ये त्वत्पूर्तमिह जीवते
हिरण्यवर्ण हर्यक्ष अर्थं मह्यं साधय स्वाहा
कुबेराय स्वाहा महाराजाय स्वाहा वैश्रवणाय स्वाहेति
agniṃ mahayitvātha rājānam īḍate
tvaddattaṃ vai balaṃ rājye tvatpūrtamiha jīvate
hiraṇyavarṇa haryakṣa arthaṃ mahyaṃ sādhaya svāhā
kuberāya svāhā mahārājāya svāhā vaiśravaṇāya svāheti
- 10
राजानं महयित्वाथेन्द्रं देवानां महयति त्रातारम् इन्द्रम् इन्द्रं विश्वा अवीवृधन्निति
rājānaṃ mahayitvāthendraṃ devānāṃ mahayati trātāram indram indraṃ viśvā avīvṛdhanniti
- 11
इन्द्रं महयित्वा विश्वान्देवान्महयति विश्वे देवा विश्वे देवा इति द्वाभ्यां विश्वान्देवान्महयित्वा
indraṃ mahayitvā viśvāndevānmahayati viśve devā viśve devā iti dvābhyāṃ viśvāndevānmahayitvā

