10 shlokas
- 1
प्रवासम् एष्यन्भार्यायाः परिदां करोति
pravāsam eṣyanbhāryāyāḥ paridāṃ karoti
- 2
स्थूलाढारिका जीवचूर्णानि कारयित्वामावास्यायां रात्र्यां सुप्तायाम् उपस्थं प्रतिवपति सोमावास्य परिघम् अन्येभ्यः पुरुषेभ्यो ऽन्यत्र मद् इति
sthūlāḍhārikā jīvacūrṇāni kārayitvāmāvāsyāyāṃ rātryāṃ suptāyām upasthaṃ prativapati somāvāsya parigham anyebhyaḥ puruṣebhyo 'nyatra mad iti
- 3
यद्य् अस्यां बहुतयापीच्छन्ति न हैव सिध्यन्ति
yady asyāṃ bahutayāpīcchanti na haiva sidhyanti
- 4
यदि कामयेत सिध्येयुर् इति बभ्रुमूत्रेण प्रक्षालयस्वेत्य् एनां ब्रूयात्
yadi kāmayeta sidhyeyur iti babhrumūtreṇa prakṣālayasvety enāṃ brūyāt
- 5
प्रवासम् एष्यन्न् आमन्त्रयत इदं वत्स्यामः प्राण आयुषि वत्स्याम इति
pravāsam eṣyann āmantrayata idaṃ vatsyāmaḥ prāṇa āyuṣi vatsyāma iti
- 6
अथैनम् अभिमन्त्रयते
आ मन्द्रैर् इन्द्र हरिभिर्याहि मयूररोमभिः
मा त्वा के चिन्न्येमुर् इन्न पाशिनः
दधन्वेव ता इहि
प्राण आयुषि वसासौ पृथिव्याम् अग्नौ प्रतितिष्ठ वायाव् अन्तरिक्षे सूर्ये दिवि यां स्वस्तिम् अग्निर्वायुः सूर्यश्चन्द्रमा आपो ऽनुसंचरन्ति तां स्वस्तिम् अनुसंचरासौ
प्रच्यवस्व भुवस्पत इति प्रतिपद्य श्येनो भूत्वा परापतेत्यन्तेन
athainam abhimantrayate
ā mandrair indra haribhiryāhi mayūraromabhiḥ
mā tvā ke cinnyemur inna pāśinaḥ
dadhanveva tā ihi
prāṇa āyuṣi vasāsau pṛthivyām agnau pratitiṣṭha vāyāv antarikṣe sūrye divi yāṃ svastim agnirvāyuḥ sūryaścandramā āpo 'nusaṃcaranti tāṃ svastim anusaṃcarāsau
pracyavasva bhuvaspata iti pratipadya śyeno bhūtvā parāpatetyantena
- 7
यं कामयेत स्वस्त्य् अयं पुनर् आगच्छेद् इति तम् एतेन त्र्यृचेनान्वीक्षेत महि त्रीणाम् अवो ऽस्त्व् इति
yaṃ kāmayeta svasty ayaṃ punar āgacched iti tam etena tryṛcenānvīkṣeta mahi trīṇām avo 'stv iti
- 8
इहैव पुनर् आगच्छति
ihaiva punar āgacchati
- 9
यं कामयेत नायं पुनर् आगच्छेद् इति तम् अन्वीक्षेत साकं यक्ष्म प्रपतेत्य् एतयाथैनम् अभिमन्त्रयते
परमां त्वा परावतम् इन्द्रो नयतु वृत्रहा
यतो न पुनर् आयसि शाश्वतीभ्यः समाभ्य इति
yaṃ kāmayeta nāyaṃ punar āgacched iti tam anvīkṣeta sākaṃ yakṣma prapatety etayāthainam abhimantrayate
paramāṃ tvā parāvatam indro nayatu vṛtrahā
yato na punar āyasi śāśvatībhyaḥ samābhya iti
- 10
न हैव पुनर् आगच्छति
na haiva punar āgacchati

