10 shlokas
- 1
अष्टकां व्याख्यास्यामः
aṣṭakāṃ vyākhyāsyāmaḥ
- 2
उपरिष्टान्माघ्याः प्राक्फाल्गुन्या यो बहुलस्तस्याष्टमी ज्येष्ठया सम्पद्यते
upariṣṭānmāghyāḥ prākphālgunyā yo bahulastasyāṣṭamī jyeṣṭhayā sampadyate
- 3
ताम् एकाष्टकेत्य् आचक्षते
tām ekāṣṭakety ācakṣate
- 4
तस्यां संभारान् उपकल्पयते
tasyāṃ saṃbhārān upakalpayate
- 5
गां प्रशस्याष्टकापूपं चतुःशरावं तूष्णीं निर्वपति
gāṃ praśasyāṣṭakāpūpaṃ catuḥśarāvaṃ tūṣṇīṃ nirvapati
- 6
षट्कपालो भवत्य् एककपालो वा
ṣaṭkapālo bhavaty ekakapālo vā
- 7
तस्य दार्विहोमिकः संस्कारः
tasya dārvihomikaḥ saṃskāraḥ
- 8
तम् औपासने श्रपयित्वौपासन एव जुहोत्य् उलूखला ग्रावाणो घोषम् अक्रत हविः कृण्वन्तः परिवत्सरीणम्
एकाष्टके सुप्रजा वीरवन्तो वयं स्यामः पतयो रयीणां स्वधा नमः पितृभ्यः स्वाहा
अयं चतुःशरावो घृतवान् अपूपः पयस्वान् अग्ने रयिमान्पुष्टिमांश्च
प्रतिगृह्णन्तु पितरः संविदानाः स्विष्टः सुहुतो ऽयं ममास्तु स्वधा नमः पितृभ्यः स्वाहा
वहापूपं जातवेदः पितृभ्यो यत्रैनान्वेत्थ निहितान्पराके
अपूपकुल्या उप तान्क्षरन्तु सत्या एषाम् आशिषः सन्तु कामैः स्वधा नमः पितृभ्यः स्वाहेति
tam aupāsane śrapayitvaupāsana eva juhoty ulūkhalā grāvāṇo ghoṣam akrata haviḥ kṛṇvantaḥ parivatsarīṇam
ekāṣṭake suprajā vīravanto vayaṃ syāmaḥ patayo rayīṇāṃ svadhā namaḥ pitṛbhyaḥ svāhā
ayaṃ catuḥśarāvo ghṛtavān apūpaḥ payasvān agne rayimānpuṣṭimāṃśca
pratigṛhṇantu pitaraḥ saṃvidānāḥ sviṣṭaḥ suhuto 'yaṃ mamāstu svadhā namaḥ pitṛbhyaḥ svāhā
vahāpūpaṃ jātavedaḥ pitṛbhyo yatrainānvettha nihitānparāke
apūpakulyā upa tānkṣarantu satyā eṣām āśiṣaḥ santu kāmaiḥ svadhā namaḥ pitṛbhyaḥ svāheti
- 9
पुरस्तात्स्विष्टकृत एता आहुतीर्जुहोति पूर्णा पश्चात्त्वम् अग्ने अयासि प्रजापत इति तिस्रः
purastātsviṣṭakṛta etā āhutīrjuhoti pūrṇā paścāttvam agne ayāsi prajāpata iti tisraḥ
- 10
ततः सौविष्टकृतं जुहोत्य् अग्नये कव्यवाहनाय स्विष्टकृते स्वधा नमः पितृभ्यः स्वाहेति
tataḥ sauviṣṭakṛtaṃ juhoty agnaye kavyavāhanāya sviṣṭakṛte svadhā namaḥ pitṛbhyaḥ svāheti

