8 shlokas
- 1
यद्य् अस्मै सुभृत्याः प्रव्रजेयुर् अग्निम् उपसमाधायेण्ड्वानि जुहुयात्
अनु पो ऽह्वद् अनुह्वयो निवृत्तो वो न्यवीवृतत्
ऐन्द्रः परिक्रोशो वः परिक्रोशतु सर्वतः
यदि माम् अतिमन्यध्वम् अदेवा देववत्तरम्
इन्द्रः पाशेन सित्वा वो मह्यम् इत्पुनर् आनयाद् इति वदेद्वा
yady asmai subhṛtyāḥ pravrajeyur agnim upasamādhāyeṇḍvāni juhuyāt
anu po 'hvad anuhvayo nivṛtto vo nyavīvṛtat
aindraḥ parikrośo vaḥ parikrośatu sarvataḥ
yadi mām atimanyadhvam adevā devavattaram
indraḥ pāśena sitvā vo mahyam itpunar ānayād iti vadedvā
- 2
खादिरं शङ्कुं निहत्य नीललोहिताभ्यां सूत्राभ्याम् अपसव्यैस्त्रिः परिवेष्टयेद् आवर्तन वर्तयेति
khādiraṃ śaṅkuṃ nihatya nīlalohitābhyāṃ sūtrābhyām apasavyaistriḥ pariveṣṭayed āvartana vartayeti
- 3
अपि वै यदि दूरगा भवन्तीह हैव वर्तन्ते
api vai yadi dūragā bhavantīha haiva vartante
- 4
यं कामयेत नायं मत्पद्येतेति दक्षिणे पाणाव् अभिपद्येत
यस्मिन्भूतं च भव्यं च विश्वे देवाः समाहिताः
तेन गृह्णामि त्वाम् अहं मह्यं गृह्णामि त्वाम् अहं ब्रह्मणे त्वा गृह्णामीति
yaṃ kāmayeta nāyaṃ matpadyeteti dakṣiṇe pāṇāv abhipadyeta
yasminbhūtaṃ ca bhavyaṃ ca viśve devāḥ samāhitāḥ
tena gṛhṇāmi tvām ahaṃ mahyaṃ gṛhṇāmi tvām ahaṃ brahmaṇe tvā gṛhṇāmīti
- 5
न हैवास्मात्पद्यते यं कामयेत नायं मच्छिद्येतेति
na haivāsmātpadyate yaṃ kāmayeta nāyaṃ macchidyeteti
- 6
अमावास्यां रात्रिं सुप्तं जीवविषाणे स्वं मूत्रम् आनीयापसव्यैस्त्रिः परिषिञ्चन्परीयात्
परि त्वा गिरेर् अमिहं परि भ्रातुः परि ष्वसुः
परि सर्वेभ्यो ज्ञातिभ्यः परिषीतः क्वेष्यसि
शश्वत्परिकुपितेन संक्रामेणावछिदा
उलेन परिमीढो ऽसि परिमीढो ऽस्य् उलेनेति
amāvāsyāṃ rātriṃ suptaṃ jīvaviṣāṇe svaṃ mūtram ānīyāpasavyaistriḥ pariṣiñcanparīyāt
pari tvā girer amihaṃ pari bhrātuḥ pari ṣvasuḥ
pari sarvebhyo jñātibhyaḥ pariṣītaḥ kveṣyasi
śaśvatparikupitena saṃkrāmeṇāvachidā
ulena parimīḍho 'si parimīḍho 'sy uleneti
- 7
न हैवास्मात्पद्यते
na haivāsmātpadyate
- 8
दीर्घसत्त्रम् आसिष्यमाणः
dīrghasattram āsiṣyamāṇaḥ

