12 shlokas
- 1
अथ रथारोहणम्
atha rathārohaṇam
- 2
यदि रथं लभत आपूर्यमाणपक्षे पुण्ये नक्षत्रे योजयित्वास्थास्यन्पक्षसी अभिमृशति बृहद् असीति दक्षिणं रथंतरम् असीत्य् उत्तरं वामदेव्यम् असीति मध्यमम्
yadi rathaṃ labhata āpūryamāṇapakṣe puṇye nakṣatre yojayitvāsthāsyanpakṣasī abhimṛśati bṛhad asīti dakṣiṇaṃ rathaṃtaram asīty uttaraṃ vāmadevyam asīti madhyamam
- 3
अश्वम् आस्थाय चक्रे संमार्ष्ट्य् अङ्कौ न्यङ्काव् अभित इत्य् अनुवाकशेषेण
aśvam āsthāya cakre saṃmārṣṭy aṅkau nyaṅkāv abhita ity anuvākaśeṣeṇa
- 4
यदि शमरथो भवति तद्यज्ञोपवीतं कृत्वाप आचम्य भूमिम् अभिमृशतीह धृतिर् इह स्वधृतिर् इह रन्तिर् इह रमतिर् इति
yadi śamaratho bhavati tadyajñopavītaṃ kṛtvāpa ācamya bhūmim abhimṛśatīha dhṛtir iha svadhṛtir iha rantir iha ramatir iti
- 5
अथ हस्त्यारोहणम्
atha hastyārohaṇam
- 6
यदि हस्तिनं लभत आपूर्यमाणपक्षे पुण्ये नक्षत्रे कल्पयित्वाभ्युपविशतीदम् अहम् अमुम् आमुष्यायणम् इन्द्रस्य वज्रेणाभिविशाम्य् उत्तरो ऽहं द्विषद्भ्य इति
yadi hastinaṃ labhata āpūryamāṇapakṣe puṇye nakṣatre kalpayitvābhyupaviśatīdam aham amum āmuṣyāyaṇam indrasya vajreṇābhiviśāmy uttaro 'haṃ dviṣadbhya iti
- 7
अथैनम् अभिक्रामयति वह काल वह श्रियं माभिवहेति
athainam abhikrāmayati vaha kāla vaha śriyaṃ mābhivaheti
- 8
समानं शमरथेन
samānaṃ śamarathena
- 9
यद्य् अनुपस्तीर्णे स्थण्डिल उपविशेत्तद् अनुमन्त्रयते नमः पृथिवीषदे रुद्राय वातेषवे रुद्राय नमो रुद्राय पृथिवीषद इति
yady anupastīrṇe sthaṇḍila upaviśettad anumantrayate namaḥ pṛthivīṣade rudrāya vāteṣave rudrāya namo rudrāya pṛthivīṣada iti
- 10
सर्पसृतौ सृजति नमः सर्पसृते रुद्राय वातेषवे रुद्राय नमो रुद्राय सर्पसृत इति
sarpasṛtau sṛjati namaḥ sarpasṛte rudrāya vāteṣave rudrāya namo rudrāya sarpasṛta iti
- 11
शकृद्रीतौ जपति नमः शकृत्सदे रुद्राय वातेषवे रुद्राय नमो रुद्राय शकृत्सद इति
śakṛdrītau japati namaḥ śakṛtsade rudrāya vāteṣave rudrāya namo rudrāya śakṛtsada iti
- 12
यदि नवानि गोमयान्य् अन्तरातिक्रामेद्गोष्ठम् असीत्य् उक्त्वातिक्रामेत्
yadi navāni gomayāny antarātikrāmedgoṣṭham asīty uktvātikrāmet

