7 shlokas
- 1
वेदम् अधीत्य स्नास्यन्न् उपकल्पयते पालाशीं समिधम् उदपात्रं चैरकां चोपबर्हणं च स्नानीयपिण्डं च सार्वसुरभिपिष्टं चन्दनं च सूत्रं सोपधानं मणिं सपाशं बादरं मणिम् उत्तरासङ्गं च सान्तरम् अहते च प्रवर्तौ च स्रजं चाञ्जनं चादर्शोपानहौ दण्डं च छत्रं च
vedam adhītya snāsyann upakalpayate pālāśīṃ samidham udapātraṃ cairakāṃ copabarhaṇaṃ ca snānīyapiṇḍaṃ ca sārvasurabhipiṣṭaṃ candanaṃ ca sūtraṃ sopadhānaṃ maṇiṃ sapāśaṃ bādaraṃ maṇim uttarāsaṅgaṃ ca sāntaram ahate ca pravartau ca srajaṃ cāñjanaṃ cādarśopānahau daṇḍaṃ ca chatraṃ ca
- 2
अथ नक्षत्राणि तिष्य उत्तरे फल्गुनी हस्तश्चित्रा स्वाति विशाखे इति
atha nakṣatrāṇi tiṣya uttare phalgunī hastaścitrā svāti viśākhe iti
- 3
एतेषाम् एकस्मिन्पुरोदयादादित्यस्य व्रजं प्रपद्यते
eteṣām ekasminpurodayādādityasya vrajaṃ prapadyate
- 4
एतद् अहः स्नातानां ह वा एष एतत्तेजसा तपति
etad ahaḥ snātānāṃ ha vā eṣa etattejasā tapati
- 5
तस्माद् एनम् एतद् अहर्नाभितपेत्
tasmād enam etad aharnābhitapet
- 6
अन्तर्लोम्ना चर्मणा द्वारम् अपिधाय पूर्वार्धे व्रजस्याग्निम् उपसमाधाय मध्यंदिने पालाशीं समिधम् आदधाति
इमं स्तोमम् अर्हते जातवेदसे रथम् इव संमहेमा मनीषया
भद्रा हि नः प्रमतिर् अस्य संसद्य् अग्ने सख्ये मा रिषामा वयं तव स्वाहेति
antarlomnā carmaṇā dvāram apidhāya pūrvārdhe vrajasyāgnim upasamādhāya madhyaṃdine pālāśīṃ samidham ādadhāti
imaṃ stomam arhate jātavedase ratham iva saṃmahemā manīṣayā
bhadrā hi naḥ pramatir asya saṃsady agne sakhye mā riṣāmā vayaṃ tava svāheti
- 7
तत एतान्संभारान्सकृद् एव सर्वान् आहृत्य तान् उत्तरतो ऽग्नेर्निधायापरेणाग्निम् उत्तरतः परिषेवनाम् एरकाम् आस्तीर्य तस्याम् उदक्शिरा निपद्यते
tata etānsaṃbhārānsakṛd eva sarvān āhṛtya tān uttarato 'gnernidhāyāpareṇāgnim uttarataḥ pariṣevanām erakām āstīrya tasyām udakśirā nipadyate

