4 shlokas
- 1
उपस्थिते ऽन्ने ओदनस्य मांसानाम् इति समवदाय सर्पिर्मिश्रस्य जुहोत्य् एकाष्टकां पश्यत दोहमानामन्नं मांसवद्घृतवत्स्वधावत्
तद्ब्राह्मणैर् अतिपूतम् अनन्तम् अक्षय्यं मे अस्तु स्वधा नमः पितृभ्यः स्वाहा
एकाष्टका तपसा तप्यमाना संवत्सरस्य पत्नी दुदुहे प्रपीना
तां दोहम् उपजीवाथ पितरः सहस्रधा मुच्यमानां पुरस्तात्स्वधा नमः पितृभ्यः स्वाहा
वहान्नं जातवेदः पितृभ्यो यत्रैनान्वेत्थ निहितान्पराके
अन्नस्य कुल्या उप तान्क्षरन्तु सत्या एषाम् आशिषः सन्तु कामैः स्वधा नमः पितृभ्यः स्वाहेति
upasthite 'nne odanasya māṃsānām iti samavadāya sarpirmiśrasya juhoty ekāṣṭakāṃ paśyata dohamānāmannaṃ māṃsavadghṛtavatsvadhāvat
tadbrāhmaṇair atipūtam anantam akṣayyaṃ me astu svadhā namaḥ pitṛbhyaḥ svāhā
ekāṣṭakā tapasā tapyamānā saṃvatsarasya patnī duduhe prapīnā
tāṃ doham upajīvātha pitaraḥ sahasradhā mucyamānāṃ purastātsvadhā namaḥ pitṛbhyaḥ svāhā
vahānnaṃ jātavedaḥ pitṛbhyo yatrainānvettha nihitānparāke
annasya kulyā upa tānkṣarantu satyā eṣām āśiṣaḥ santu kāmaiḥ svadhā namaḥ pitṛbhyaḥ svāheti
- 2
पुरस्तात्स्विष्टकृत एतान् उपहोमान्जुहोतीयमेव सा या प्रथमा व्यौच्छदेकाष्टका तपसा तप्यमाना या प्रथमा व्यौच्छत्संवत्सरस्य प्रतिमां प्रजापत इति पञ्च
purastātsviṣṭakṛta etān upahomānjuhotīyameva sā yā prathamā vyaucchadekāṣṭakā tapasā tapyamānā yā prathamā vyaucchatsaṃvatsarasya pratimāṃ prajāpata iti pañca
- 3
ततः सौविष्टकृतं जुहोत्यग्नये कव्यवाहनाय स्विष्टकृते स्वधा नमः पितृभ्यः स्वाहेति
tataḥ sauviṣṭakṛtaṃ juhotyagnaye kavyavāhanāya sviṣṭakṛte svadhā namaḥ pitṛbhyaḥ svāheti
- 4
श्वो भूते पितृभ्यो मांसशेषेण मासिश्राद्धस्यावृता श्राद्धं करोति
śvo bhūte pitṛbhyo māṃsaśeṣeṇa māsiśrāddhasyāvṛtā śrāddhaṃ karoti

