6 shlokas
- 1
चित्र्यं वनस्पतिं दृष्ट्वा जपति
आरात्ते अग्निर्ज्वलत्व् आरात्परशुर् अस्तु ते
निवाते त्वाभिवर्षतु जीव वर्षसहस्रं त्वम्
नमस्ते ऽस्तु वनस्पते स्वस्ति मे ऽस्तु वनस्पत इति
citryaṃ vanaspatiṃ dṛṣṭvā japati
ārātte agnirjvalatv ārātparaśur astu te
nivāte tvābhivarṣatu jīva varṣasahasraṃ tvam
namaste 'stu vanaspate svasti me 'stu vanaspata iti
- 2
प्राङ्मध्यंदिनात्क्षीरिणो वृक्षान् उपस्पृशेन्नित्यं न्यग्रोधं च
prāṅmadhyaṃdinātkṣīriṇo vṛkṣān upaspṛśennityaṃ nyagrodhaṃ ca
- 3
सर्वत्र स्वयम्प्रज्वलिते ऽग्नौ समिधाव् आदध्यात्
उद्दीप्यस्व जातवेदो ऽपघ्नन्निरृतिं मम
पशूंश्च मह्यम् आवह जीवनं च दिशो दिशः स्वाहा
मा नो हिंसीर्जातवेदो गाम् अश्वं पुरुषं पशुम्
अहिंसन्न् अग्न आगहि श्रियं मयि परिपालय स्वाहेति
sarvatra svayamprajvalite 'gnau samidhāv ādadhyāt
uddīpyasva jātavedo 'paghnannirṛtiṃ mama
paśūṃśca mahyam āvaha jīvanaṃ ca diśo diśaḥ svāhā
mā no hiṃsīrjātavedo gām aśvaṃ puruṣaṃ paśum
ahiṃsann agna āgahi śriyaṃ mayi paripālaya svāheti
- 4
आधायोपतिष्ठते नमो अग्निषदे रुद्राय वातेषवे रुद्राय नमो रुद्रायाग्निषद इति
ādhāyopatiṣṭhate namo agniṣade rudrāya vāteṣave rudrāya namo rudrāyāgniṣada iti
- 5
अनुभवं परिभवं परिवादं परिक्षवम्
दुःस्वप्नं दुरुदितं शकुनैस्तद्द्विषद्भ्यो दिशाम्य् अहम्
अनुभूतं परिभूतं शकुनैर्यद् अशाकुनम्
मृगस्य सृतम् अक्ष्णया तद्द्विषद्भ्यो दिशाम्य् अहम्
परेणैतु पापशकुनिः परेणैतु परिक्षवः
अक्षिस्पन्दो दुःस्वप्न इष्टिर् असंपद्यो नो द्वेष्टि तम् ऋच्छत्व् इत्य् एतं मन्त्रं जपत्य् उपबाध उपबाधे च यथालिङ्गं
anubhavaṃ paribhavaṃ parivādaṃ parikṣavam
duḥsvapnaṃ duruditaṃ śakunaistaddviṣadbhyo diśāmy aham
anubhūtaṃ paribhūtaṃ śakunairyad aśākunam
mṛgasya sṛtam akṣṇayā taddviṣadbhyo diśāmy aham
pareṇaitu pāpaśakuniḥ pareṇaitu parikṣavaḥ
akṣispando duḥsvapna iṣṭir asaṃpadyo no dveṣṭi tam ṛcchatv ity etaṃ mantraṃ japaty upabādha upabādhe ca yathāliṅgaṃ
- 6
सर्वत्रैवाप उपस्पृशेत्
sarvatraivāpa upaspṛśet

