11 shlokas
- 1
दक्षिणतो नापित उपविशति
तस्य क्षुरम् अभिमन्त्रयते
शिवो नामासि स्वधितिस्ते पिता
नमस्ते अस्तु मा मा हिंसीरिति
dakṣiṇato nāpita upaviśati
tasya kṣuram abhimantrayate
śivo nāmāsi svadhitiste pitā
namaste astu mā mā hiṃsīriti
- 2
अद्भिर् उद्यमानम् अभिमन्त्रयते शिवा मे भवथ संस्पृश इति
adbhir udyamānam abhimantrayate śivā me bhavatha saṃspṛśa iti
- 3
क्षुरम् अभिनिधीयमानम् अभिमन्त्रयते
यद् ऋषीणां त्र्यायुषं जमदग्नेः कश्यपस्य त्र्यायुषम्
यद्देवानां त्र्यायुषं तन्मे अस्तु त्र्यायुषम् इति
kṣuram abhinidhīyamānam abhimantrayate
yad ṛṣīṇāṃ tryāyuṣaṃ jamadagneḥ kaśyapasya tryāyuṣam
yaddevānāṃ tryāyuṣaṃ tanme astu tryāyuṣam iti
- 4
वपन्तं यत्क्षुरेण मर्चयता सुपेशसा वप्त्रा वपसि वर्चसा मुखं मा न आयुः प्रमोषीर् इति
vapantaṃ yatkṣureṇa marcayatā supeśasā vaptrā vapasi varcasā mukhaṃ mā na āyuḥ pramoṣīr iti
- 5
श्मश्रूणि वापयित्वोपपक्षौ निवापयते ऽथ केशान्यथोपपादम् अङ्गान्य् एवम् एवात ऊर्ध्वं वापयते
śmaśrūṇi vāpayitvopapakṣau nivāpayate 'tha keśānyathopapādam aṅgāny evam evāta ūrdhvaṃ vāpayate
- 6
पश्चार्धे व्रजस्योपविश्य मेखलां विस्रस्य परिकर्मणे प्रयच्छतीमां हृत्वा स्तम्ब उपगूहेति
paścārdhe vrajasyopaviśya mekhalāṃ visrasya parikarmaṇe prayacchatīmāṃ hṛtvā stamba upagūheti
- 7
तां स हृत्वा स्तम्ब उपगूहतीदम् अहम् अमुष्यामुष्यायणस्य द्विषन्तं भ्रातृव्यम् उपगूहाम्य् उत्तरो ऽसौ द्विषद्भ्य इति
tāṃ sa hṛtvā stamba upagūhatīdam aham amuṣyāmuṣyāyaṇasya dviṣantaṃ bhrātṛvyam upagūhāmy uttaro 'sau dviṣadbhya iti
- 8
तत आप उपशेरत उष्णाश्च शीताश्च
tata āpa upaśerata uṣṇāśca śītāśca
- 9
शीतासूष्णा आनयति दैवमानुषस्य व्यावृत्या इति विज्ञायते
śītāsūṣṇā ānayati daivamānuṣasya vyāvṛtyā iti vijñāyate
- 10
संसृष्टाभिर् अद्भिर् अभिषिञ्चत्य् आपो हि ष्ठा मयोभुव इति तिसृभिर्हिरण्यवर्णाः शुचयः पावका इति चतसृभिः पवमानः सुवर्जन इत्येतेनानुवाकेन
saṃsṛṣṭābhir adbhir abhiṣiñcaty āpo hi ṣṭhā mayobhuva iti tisṛbhirhiraṇyavarṇāḥ śucayaḥ pāvakā iti catasṛbhiḥ pavamānaḥ suvarjana ityetenānuvākena
- 11
स्नानीयेन प्रताप्य
snānīyena pratāpya

