10 shlokas
- 1
अथास्मा अन्नं संस्कृत्य भूतम् इति वेदयते
athāsmā annaṃ saṃskṛtya bhūtam iti vedayate
- 2
तत आह ब्राह्मणांश्चतुरो नानागोत्रान्भोजयतेति
tata āha brāhmaṇāṃścaturo nānāgotrānbhojayateti
- 3
तेषु भुक्तवत्स्व् अन्नम् आहरन्ति
teṣu bhuktavatsv annam āharanti
- 4
तद् एतेनैव प्रतिमन्त्र्य प्रतिगृह्य प्रत्यवरुह्य प्राश्नाति यथा मधुपर्कम्
tad etenaiva pratimantrya pratigṛhya pratyavaruhya prāśnāti yathā madhuparkam
- 5
प्रत्यवरुह्यैवात ऊर्ध्वम् अन्नानि प्राश्नीयाद् इत्य् एकम्
pratyavaruhyaivāta ūrdhvam annāni prāśnīyād ity ekam
- 6
अथैतद् अपरम् अर्घ्येष्व् एवैष नियमः स्याद्यथाकामीतरेषु
athaitad aparam arghyeṣv evaiṣa niyamaḥ syādyathākāmītareṣu
- 7
अथ यदि गाम् उत्सृजेत्ताम् अभिमन्त्रयते
गौर्धेनुभव्या माता रुद्राणां दुहिता वसूनां स्वसादित्यानाम् अमृतस्य नाभिः
प्र णु वोचं चिकितुषे जनाय मा गाम् अदितिं वधिष्ट
पिबतूदकं तृणान्य् अत्तु
ओम् उत्सृजतेति
atha yadi gām utsṛjettām abhimantrayate
gaurdhenubhavyā mātā rudrāṇāṃ duhitā vasūnāṃ svasādityānām amṛtasya nābhiḥ
pra ṇu vocaṃ cikituṣe janāya mā gām aditiṃ vadhiṣṭa
pibatūdakaṃ tṛṇāny attu
om utsṛjateti
- 8
अथ सोमप्रवाकाय
atha somapravākāya
- 9
यत्रास्मै सोमं प्राह तद्यज्ञोपवीतं कृत्वाप आचम्य प्राङ्वोदङ्वा तिष्ठञ्जपत्य् आसीनो वा भूर्भुवः सुवर् आयुर्मे प्रावोचो वर्चो मे प्रावोचो यशो मे प्रावोचः श्रियं मे प्रावोच आयुष्मान् अहं वर्चस्वी यशस्वी श्रीमान् अपचितिमान्भूयासं भूर्भुवः सुवः सर्वं भूयासम् इत्य् उक्त्वा प्रति वाचष्टे प्रति वां जानीतः
yatrāsmai somaṃ prāha tadyajñopavītaṃ kṛtvāpa ācamya prāṅvodaṅvā tiṣṭhañjapaty āsīno vā bhūrbhuvaḥ suvar āyurme prāvoco varco me prāvoco yaśo me prāvocaḥ śriyaṃ me prāvoca āyuṣmān ahaṃ varcasvī yaśasvī śrīmān apacitimānbhūyāsaṃ bhūrbhuvaḥ suvaḥ sarvaṃ bhūyāsam ity uktvā prati vācaṣṭe prati vāṃ jānītaḥ
- 10
एतेनैव भूतप्रवाकायों तन्मा क्षायीत्यन्तेन
etenaiva bhūtapravākāyoṃ tanmā kṣāyītyantena

