13 shlokas
- 1
श्रवणकर्म व्याख्यास्यामः
śravaṇakarma vyākhyāsyāmaḥ
- 2
श्रावण्यां पौर्णमास्याम् उपकल्पयते ऽक्षतधानाश्चाक्षतसक्तूंश्च जात्यं चाञ्जनम्
śrāvaṇyāṃ paurṇamāsyām upakalpayate 'kṣatadhānāścākṣatasaktūṃśca jātyaṃ cāñjanam
- 3
अस्तमित आदित्ये ऽन्तरागारे ऽग्निम् उपसमाधाय जयाभ्यातानान्राष्ट्रभृत इति हुत्वाक्षतधानानां चाक्षतसक्तूनां च समवदायाभिघार्य जुहोति
astamita āditye 'ntarāgāre 'gnim upasamādhāya jayābhyātānānrāṣṭrabhṛta iti hutvākṣatadhānānāṃ cākṣatasaktūnāṃ ca samavadāyābhighārya juhoti
- 4
आग्नेयाय पाण्डराय पार्थिवानामधिपतये स्वाहेति प्रथमामाहुतिं जुहोति
āgneyāya pāṇḍarāya pārthivānāmadhipataye svāheti prathamāmāhutiṃ juhoti
- 5
श्वेताय वायव्यायान्तरिक्षाणाम् अधिपतये स्वाहेति द्वितीयाम्
śvetāya vāyavyāyāntarikṣāṇām adhipataye svāheti dvitīyām
- 6
अभिभुवे सूर्याय दिव्यानामधिपतये स्वाहेति तृतीयाम्
abhibhuve sūryāya divyānāmadhipataye svāheti tṛtīyām
- 7
उपनिष्क्रम्य स्थण्डिल एवैता आहुतीर्जुहोति
upaniṣkramya sthaṇḍila evaitā āhutīrjuhoti
- 8
अपि वा समीची नामासि प्राची दिगिति सर्पाहुतीः
api vā samīcī nāmāsi prācī digiti sarpāhutīḥ
- 9
प्राशनार्था धाना उपकल्प्याक्षतधानाश्चाक्षतसक्तूंश्च जात्यं चाञ्जनं स्थण्डिले न्युप्याभिमन्त्रयते नमो ऽस्तु सर्पेभ्य इति तिसृभिः
prāśanārthā dhānā upakalpyākṣatadhānāścākṣatasaktūṃśca jātyaṃ cāñjanaṃ sthaṇḍile nyupyābhimantrayate namo 'stu sarpebhya iti tisṛbhiḥ
- 10
ततो यावन्तं देशं कामयत इमं सर्पा नागच्छेयुरिति तं संततयोदधारयानुपरिषिञ्चत्य् अप श्वेत पदा जहि पूर्वेण चापरेण च
सप्त च मानवैरिमास्तिस्रश्च राजबन्धवैः
न वै श्वेतस्याध्याचारे ऽहिर्ददंश कांचन
श्वेताय वैदर्व्याय नम इति
tato yāvantaṃ deśaṃ kāmayata imaṃ sarpā nāgaccheyuriti taṃ saṃtatayodadhārayānupariṣiñcaty apa śveta padā jahi pūrveṇa cāpareṇa ca
sapta ca mānavairimāstisraśca rājabandhavaiḥ
na vai śvetasyādhyācāre 'hirdadaṃśa kāṃcana
śvetāya vaidarvyāya nama iti
- 11
तत एता धाना असमेत्यावगिरन्ति यावन्तो हविरुच्छिष्टाशा भवन्ति
tata etā dhānā asametyāvagiranti yāvanto havirucchiṣṭāśā bhavanti
- 12
तत एतांश्चतुरो मासान्सर्पेभ्यो बलिं हरन्ति
tata etāṃścaturo māsānsarpebhyo baliṃ haranti
- 13
सक्तून्वैवमर्थान्कुर्वन्त्यपि वा यद्यदन्नं क्रियते तस्य तस्य
saktūnvaivamarthānkurvantyapi vā yadyadannaṃ kriyate tasya tasya

