4 shlokas
- 1
अथास्मा अन्नं सनिमित्वाभिमन्त्रयते
अन्नम् इव ते दृशे भूयासं वित्तम् इव ते दृशे भूयासं श्रीर् अस्य् अर्वाच्य् आविशास्मान्संस्रवन्तु दिशो महीः समागच्छन्तु सूनृताः
सर्वे कामा अभियन्तु मा प्रिया अभिरक्षन्तु मा प्रियाः
यशो ऽसि यशो ऽहं त्वयि भूयासम् असाव् इत्य् अभिमन्त्र्यार्थं ब्रुवते
athāsmā annaṃ sanimitvābhimantrayate
annam iva te dṛśe bhūyāsaṃ vittam iva te dṛśe bhūyāsaṃ śrīr asy arvācy āviśāsmānsaṃsravantu diśo mahīḥ samāgacchantu sūnṛtāḥ
sarve kāmā abhiyantu mā priyā abhirakṣantu mā priyāḥ
yaśo 'si yaśo 'haṃ tvayi bhūyāsam asāv ity abhimantryārthaṃ bruvate
- 2
व्यवजिहीर्षमाणः पण्यस्यावदाय जुहोति
यद् अहं धनेन प्रपणं चरामि धनेन देवा धनम् इच्छमानः
तस्मिन्सोमो रुचम् आदधात्व् अग्निर् ईशान इन्द्रो बृहस्पतिश्च स्वाहेति
vyavajihīrṣamāṇaḥ paṇyasyāvadāya juhoti
yad ahaṃ dhanena prapaṇaṃ carāmi dhanena devā dhanam icchamānaḥ
tasminsomo rucam ādadhātv agnir īśāna indro bṛhaspatiśca svāheti
- 3
अथ संवादजयनं संवादम् एष्यन्न् आत्तछत्रः सव्येन हस्तेन छत्रं समावृत्य दक्षिणेन फलीकरणमुष्टिं जुहोति
अवजिह्वक निजिह्वकाव त्वा हविषा यजे
तत्सत्यं यद् अहं वदाम्य् अधरो मद् असौ वदात्स्वाहेति
atha saṃvādajayanaṃ saṃvādam eṣyann āttachatraḥ savyena hastena chatraṃ samāvṛtya dakṣiṇena phalīkaraṇamuṣṭiṃ juhoti
avajihvaka nijihvakāva tvā haviṣā yaje
tatsatyaṃ yad ahaṃ vadāmy adharo mad asau vadātsvāheti
- 4
येन संवदते तम् अभिमन्त्रयते
आ ते वाचम् आस्यां दद आ मनस्यां हृदयाद् अधि
अङ्गाद् अङ्गात्ते वाचम् आददे यत्र यत्र ते वाङ्निहिता तां त आददे
तत्सत्यं यद् अहं वदाम्य् अधरो मत्पद्यस्वासाव् इति
yena saṃvadate tam abhimantrayate
ā te vācam āsyāṃ dada ā manasyāṃ hṛdayād adhi
aṅgād aṅgātte vācam ādade yatra yatra te vāṅnihitā tāṃ ta ādade
tatsatyaṃ yad ahaṃ vadāmy adharo matpadyasvāsāv iti

