12 shlokas
- 1
अथार्घ्यं जिहीर्षन्न् अर्घ्यं वेदयते जिहीर्षामेति
athārghyaṃ jihīrṣann arghyaṃ vedayate jihīrṣāmeti
- 2
कुरुतेत्य् आह
kurutety āha
- 3
कंसे दध्य् आनीय मध्व् आनयति
kaṃse dadhy ānīya madhv ānayati
- 4
ह्रसीयस्य् आनीय वर्षीयसापिदधाति
hrasīyasy ānīya varṣīyasāpidadhāti
- 5
पूर्वः कूर्चेन प्रतिपद्यते
pūrvaḥ kūrcena pratipadyate
- 6
अन्वङ्पाद्येनान्वङ्ङ् अर्घ्येणान्वङ्ङ् आचमनीयेनान्वङ्मधुपर्केणानुसंव्रजति
anvaṅpādyenānvaṅṅ arghyeṇānvaṅṅ ācamanīyenānvaṅmadhuparkeṇānusaṃvrajati
- 7
अथास्मा आसनम् इति वेदयते
athāsmā āsanam iti vedayate
- 8
तत्प्रतिमन्त्रयते राष्ट्रभृद् अस्य् आचार्यासन्दी मा त्वद्योषम् इति राजा ब्राह्मणो वा
tatpratimantrayate rāṣṭrabhṛd asy ācāryāsandī mā tvadyoṣam iti rājā brāhmaṇo vā
- 9
राष्ट्रभृद् अस्य् अधिपत्यासन्दी मा त्वद्योषम् इति ग्रामणीः सेनानीर्वा
rāṣṭrabhṛd asy adhipatyāsandī mā tvadyoṣam iti grāmaṇīḥ senānīrvā
- 10
अथास्मै पाद्यम् इति वेदयते
athāsmai pādyam iti vedayate
- 11
तत्प्रतिमन्त्रयते
आपः पादावनेजनीर्द्विषन्तं नाशयन्तु मे
अस्मिन्कुले ब्रह्मवर्चस्य् असानि मयि महो मयि यशो मयीन्द्रियं वीर्यम्
आ मा गन्यशसा वर्चसा संसृज पयसा तेजसा च तं मा प्रियं प्रजानां कुर्व् अधिपतिं पशूनाम् इति
tatpratimantrayate
āpaḥ pādāvanejanīrdviṣantaṃ nāśayantu me
asminkule brahmavarcasy asāni mayi maho mayi yaśo mayīndriyaṃ vīryam
ā mā ganyaśasā varcasā saṃsṛja payasā tejasā ca taṃ mā priyaṃ prajānāṃ kurv adhipatiṃ paśūnām iti
- 12
सव्यं पादं प्रतिगृह्य दक्षिणं प्रतिगृह्णीयाद्दक्षिणं राजा ग्रामणीः सेनानीर्वा
savyaṃ pādaṃ pratigṛhya dakṣiṇaṃ pratigṛhṇīyāddakṣiṇaṃ rājā grāmaṇīḥ senānīrvā

