5 shlokas
- 1
श्वो भूते पितृभ्यो गाम् आलभते
śvo bhūte pitṛbhyo gām ālabhate
- 2
अग्निमुपसमाधाय यथा पुरस्तादाज्येन प्रायश्चित्तं हुत्वैकेन बर्हिषैकशूलया च वपाश्रपण्योपाकरोति
agnimupasamādhāya yathā purastādājyena prāyaścittaṃ hutvaikena barhiṣaikaśūlayā ca vapāśrapaṇyopākaroti
- 3
पितृभ्यस्त्वा जुष्टाम् उपाकरोमीतीमां पितृभ्यो गामुपाकरोति
pitṛbhyastvā juṣṭām upākaromītīmāṃ pitṛbhyo gāmupākaroti
- 4
ऊर्जस्वतीं पयस्वतीं तां मे जुषन्तां पितरः समेताः
मेदस्वती घृतवती स्वधावती सा मे पितॄन्सांपरायै धिनोत्व् इत्य् उपाकरणीयां हुत्वा पितृभ्यस्त्वा जुष्टां प्रोक्षामीति प्रोक्षितां पर्यग्निकृतां प्रत्यक्शिरसं दक्षिणापदीं संज्ञपयन्ति
ūrjasvatīṃ payasvatīṃ tāṃ me juṣantāṃ pitaraḥ sametāḥ
medasvatī ghṛtavatī svadhāvatī sā me pitṝnsāṃparāyai dhinotv ity upākaraṇīyāṃ hutvā pitṛbhyastvā juṣṭāṃ prokṣāmīti prokṣitāṃ paryagnikṛtāṃ pratyakśirasaṃ dakṣiṇāpadīṃ saṃjñapayanti
- 5
संज्ञप्ताया अद्भिः प्राणानाप्याय्य तूष्णीमेव वपाम् उद्धृत्य हृदयम् उद्धरति प्रज्ञाते च मतस्ने
औदुम्बर्यां वपाश्रपण्यां वपां श्रपयित्वौदुम्बरेषु शूलेषु पृथग् इतराणि श्रपयित्वौदुम्बर्या दर्व्योपस्तीर्णाभिघारितां वपां जुहोति वह वपां जातवेदः पितृभ्यो यत्रैनान्वेत्थ निहितान्पराके
मेदसः कुल्या उप तान्क्षरन्तु सत्या एषामाशिषः सन्तु कामैः स्वधा नमः पितृभ्यः स्वाहेति
saṃjñaptāyā adbhiḥ prāṇānāpyāyya tūṣṇīmeva vapām uddhṛtya hṛdayam uddharati prajñāte ca matasne
audumbaryāṃ vapāśrapaṇyāṃ vapāṃ śrapayitvaudumbareṣu śūleṣu pṛthag itarāṇi śrapayitvaudumbaryā darvyopastīrṇābhighāritāṃ vapāṃ juhoti vaha vapāṃ jātavedaḥ pitṛbhyo yatrainānvettha nihitānparāke
medasaḥ kulyā upa tānkṣarantu satyā eṣāmāśiṣaḥ santu kāmaiḥ svadhā namaḥ pitṛbhyaḥ svāheti

