17 shlokas
- 1
सव्यं जान्व् आच्यावाचीनपाणिः सकृदाच्छिन्ने बर्हिषि दक्षिणापवर्गान्पिण्डान्ददात्य् एतत्ते ततासौ ये च त्वाम् अन्व् इत्य् एतैः प्रतिमन्त्रम्
savyaṃ jānv ācyāvācīnapāṇiḥ sakṛdācchinne barhiṣi dakṣiṇāpavargānpiṇḍāndadāty etatte tatāsau ye ca tvām anv ity etaiḥ pratimantram
- 2
तूष्णीं चतुर्थम्
tūṣṇīṃ caturtham
- 3
स कृताकृतः
sa kṛtākṛtaḥ
- 4
प्रपितामहप्रभृतीन्वा
prapitāmahaprabhṛtīnvā
- 5
नानामगृहीतं गच्छति
nānāmagṛhītaṃ gacchati
- 6
यदि बन्धू न विद्यात्स्वधा पितृभ्यः पृथिविषद्भ्य इति प्रथमं पिण्डं दद्यात्
स्वधा पितृभ्यो ऽन्तरिक्षसद्भ्य इति द्वितीयम्
स्वधा पितृभ्यो दिविषद्भ्य इति तृतीयम्
yadi bandhū na vidyātsvadhā pitṛbhyaḥ pṛthiviṣadbhya iti prathamaṃ piṇḍaṃ dadyāt
svadhā pitṛbhyo 'ntarikṣasadbhya iti dvitīyam
svadhā pitṛbhyo diviṣadbhya iti tṛtīyam
- 7
यदि द्विपिता स्याद् एकैकस्मिन्पिण्डे द्वौद्वाव् उपलक्षयेत्
yadi dvipitā syād ekaikasminpiṇḍe dvaudvāv upalakṣayet
- 8
यदि जीवपिता न दद्याद् आ होमात्कृत्वा विरमेत्
yadi jīvapitā na dadyād ā homātkṛtvā viramet
- 9
यन्मे माता प्रममाद यच्चचाराननुव्रतम्
तन्मे रेतः पिता वृङ्क्ताम् आभुर् अन्योपपद्यतां पितृभ्यः स्वधाविभ्यः स्वधा नमः पितामहेभ्यः स्वधाविभ्यः स्वधा नमः प्रपितामहेभ्यः स्वधाविभ्यः स्वधा नम इत्य् उपस्थायात्र पितरो यथाभागं मन्दध्वम् इत्य् उक्त्वा पराङ् आवर्तते
yanme mātā pramamāda yaccacārānanuvratam
tanme retaḥ pitā vṛṅktām ābhur anyopapadyatāṃ pitṛbhyaḥ svadhāvibhyaḥ svadhā namaḥ pitāmahebhyaḥ svadhāvibhyaḥ svadhā namaḥ prapitāmahebhyaḥ svadhāvibhyaḥ svadhā nama ity upasthāyātra pitaro yathābhāgaṃ mandadhvam ity uktvā parāṅ āvartate
- 10
ओष्मणो व्यावृत उपास्ते
oṣmaṇo vyāvṛta upāste
- 11
अमीमदन्त पितरः सोम्या इति व्यावृत्त ऊष्मण्य् अभिपर्यावर्तते ऽव्यावृत्ते वा
amīmadanta pitaraḥ somyā iti vyāvṛtta ūṣmaṇy abhiparyāvartate 'vyāvṛtte vā
- 12
यः स्थाल्यां शेषस्तम् अवजिघ्रति ये समानाः समनसः पितरो यमराज्ये
तेषां लोकः स्वधा नमो यज्ञो देवेषु कल्पतां वीरं धत्त पितर इति
yaḥ sthālyāṃ śeṣastam avajighrati ye samānāḥ samanasaḥ pitaro yamarājye
teṣāṃ lokaḥ svadhā namo yajño deveṣu kalpatāṃ vīraṃ dhatta pitara iti
- 13
आमयाविना प्राश्यो ऽन्नाद्यकामेन प्राश्यो यो ऽलम् अन्नाद्याय सन्नाद्यात्तेन वा प्राश्यः
āmayāvinā prāśyo 'nnādyakāmena prāśyo yo 'lam annādyāya sannādyāttena vā prāśyaḥ
- 14
पूर्ववद् एकस्फ्यायां त्रीन् उदकाञ्जलीन् उपनिनीयाञ्जनाभ्यञ्जने वासश्च त्रिर् अनुपिण्डं ददाति
pūrvavad ekasphyāyāṃ trīn udakāñjalīn upaninīyāñjanābhyañjane vāsaśca trir anupiṇḍaṃ dadāti
- 15
आङ्क्ष्व ततासाव् आङ्क्ष्व पितामहासाव् आङ्क्ष्व प्रपितामहासाव् इत्य् आञ्जनम्
āṅkṣva tatāsāv āṅkṣva pitāmahāsāv āṅkṣva prapitāmahāsāv ity āñjanam
- 16
एवम् अभ्यञ्जनम् अभ्यङ्क्ष्वेति मन्त्रं संनमति
evam abhyañjanam abhyaṅkṣveti mantraṃ saṃnamati
- 17
यदि नामानि न विद्याद् आञ्जतां मम पितर आञ्जतां मम पितामहा आञ्जतां प्रपितामहा इत्य् आञ्जनम्
एवम् अभ्यञ्जनम् अभ्यञ्जताम् इति मन्त्रं संनमति
yadi nāmāni na vidyād āñjatāṃ mama pitara āñjatāṃ mama pitāmahā āñjatāṃ prapitāmahā ity āñjanam
evam abhyañjanam abhyañjatām iti mantraṃ saṃnamati

