13 shlokas
- 1
उच्चैः समाहन्तवा इति संप्रेष्यति
uccaiḥ samāhantavā iti saṃpreṣyati
- 2
कुटरुर् असि मधुजिह्व इत्य् आग्नीध्रो ऽश्मानम् आदायेषम् आवदोर्जम् आवदेति दृषदुपले समाहन्ति
kuṭarur asi madhujihva ity āgnīdhro 'śmānam ādāyeṣam āvadorjam āvadeti dṛṣadupale samāhanti
- 3
द्विर्दृषदि सकृद् उपलायां त्रिः संचारयन्नवकृत्वः सम्पादयति
dvirdṛṣadi sakṛd upalāyāṃ triḥ saṃcārayannavakṛtvaḥ sampādayati
- 4
सावित्रेण वा शम्याम् आदाय तया समाहन्ति
sāvitreṇa vā śamyām ādāya tayā samāhanti
- 5
वर्षवृद्धम् असीति पुरस्ताच्छूर्पम् उपोहत्य् उत्तरतो वा
varṣavṛddham asīti purastācchūrpam upohaty uttarato vā
- 6
वर्षवृद्धा स्थेत्य् अभिमन्त्र्य प्रति त्वा वर्षवृद्धं वेत्त्व् इत्य् उद्वपति
varṣavṛddhā sthety abhimantrya prati tvā varṣavṛddhaṃ vettv ity udvapati
- 7
परापूतं रक्षः परापूता अरातय इत्य् उत्करे परापुनाति
parāpūtaṃ rakṣaḥ parāpūtā arātaya ity utkare parāpunāti
- 8
प्रविद्धं रक्षः पराध्माता अमित्रा इति तुषान्प्रस्कन्दतो ऽनुमन्त्रयते
praviddhaṃ rakṣaḥ parādhmātā amitrā iti tuṣānpraskandato 'numantrayate
- 9
मध्यमे पुरोडाशकपाले तुषान् ओप्य रक्षसां भागो ऽसीत्य् अधस्तात्कृष्णाजिनस्योपवपत्य् उत्तरम् अपरम् अवान्तरदेशम्
madhyame puroḍāśakapāle tuṣān opya rakṣasāṃ bhāgo 'sīty adhastātkṛṣṇājinasyopavapaty uttaram aparam avāntaradeśam
- 10
हस्तेनोपवपतीति बह्वृचब्राह्मणम्
hastenopavapatīti bahvṛcabrāhmaṇam
- 11
अद्भिः कपालं संस्पर्श्य प्रज्ञातं निधायाप उपस्पृश्य वायुर्वो विविनक्त्व् इति विविच्य देवो वः सविता हिरण्यपाणिः प्रतिगृह्णात्व् इति पात्र्यां तण्डुलान्प्रस्कन्दयित्वादब्धेन वश्चक्षुषावपश्यामि रायस्पोषाय वर्चसे सुप्रजास्त्वाय चक्षुषो गोपीथायाशिषम् आशास इत्य् अवेक्ष्य त्रिष्फलीकर्तवा इति संप्रेष्यति
adbhiḥ kapālaṃ saṃsparśya prajñātaṃ nidhāyāpa upaspṛśya vāyurvo vivinaktv iti vivicya devo vaḥ savitā hiraṇyapāṇiḥ pratigṛhṇātv iti pātryāṃ taṇḍulānpraskandayitvādabdhena vaścakṣuṣāvapaśyāmi rāyaspoṣāya varcase suprajāstvāya cakṣuṣo gopīthāyāśiṣam āśāsa ity avekṣya triṣphalīkartavā iti saṃpreṣyati
- 12
या यजमानस्य पत्नी साभिद्रुत्यावहन्ति
yā yajamānasya patnī sābhidrutyāvahanti
- 13
यो वा कश्चिद् अविद्यमानायाम्
yo vā kaścid avidyamānāyām

