12 shlokas
- 1
अत्र पूर्ववत्पवित्रे करोति यदि न संनयति
atra pūrvavatpavitre karoti yadi na saṃnayati
- 2
संनयतस्तु ते विभवतः
saṃnayatastu te vibhavataḥ
- 3
वानस्पत्यो ऽसि देवेभ्यः शुन्धस्वेति प्रणीताप्रणयनं चमसम् अद्भिः परिक्षालयति तूष्णीं कंसं मृन्मयं च
कंसेन प्रणयेद्ब्रह्मवर्चसकामस्य मृन्मयेन प्रतिष्ठाकामस्य गोदोहनेन पशुकामस्य
अपरेण गार्हपत्यं पवित्रान्तर्हितं चमसं निधाय तस्मिन्को वो गृह्णाति स वो गृह्णातु कस्मै वो गृह्णामि तस्मै वो गृह्णामि पोषाय व इत्य् अप आनयति
vānaspatyo 'si devebhyaḥ śundhasveti praṇītāpraṇayanaṃ camasam adbhiḥ parikṣālayati tūṣṇīṃ kaṃsaṃ mṛnmayaṃ ca
kaṃsena praṇayedbrahmavarcasakāmasya mṛnmayena pratiṣṭhākāmasya godohanena paśukāmasya
apareṇa gārhapatyaṃ pavitrāntarhitaṃ camasaṃ nidhāya tasminko vo gṛhṇāti sa vo gṛhṇātu kasmai vo gṛhṇāmi tasmai vo gṛhṇāmi poṣāya va ity apa ānayati
- 4
अपो गृह्णन्ग्रहीष्यंश्च पृथिवीं मनसा ध्यायति
apo gṛhṇangrahīṣyaṃśca pṛthivīṃ manasā dhyāyati
- 5
उपबिलं चमसं पूरयित्वा प्रोक्षणीवद् उत्पूयाभिमन्त्र्य ब्रह्मन्न् अपः प्रणेष्यामि यजमान वाचं यच्छेति संप्रेष्यति
upabilaṃ camasaṃ pūrayitvā prokṣaṇīvad utpūyābhimantrya brahmann apaḥ praṇeṣyāmi yajamāna vācaṃ yaccheti saṃpreṣyati
- 6
सर्वत्र प्रसव उक्ते करोति
sarvatra prasava ukte karoti
- 7
प्रणीयमानासु वाचं यच्छतो ऽध्वर्युर्यजमानश्चाहविष्कृतः
praṇīyamānāsu vācaṃ yacchato 'dhvaryuryajamānaścāhaviṣkṛtaḥ
- 8
को वः प्रणयति स वः प्रणयत्व् अपो देवीः प्रणयानि यज्ञं संसादयन्तु नः
इरंमदन्तीर्घृतपृष्ठा उदाकुः सहस्रपोषं यजमाने न्यञ्चतीर् इति समं प्राणैर्धारयमाणः स्फ्येनोपसंगृह्याविषिञ्चन्हरति
ko vaḥ praṇayati sa vaḥ praṇayatv apo devīḥ praṇayāni yajñaṃ saṃsādayantu naḥ
iraṃmadantīrghṛtapṛṣṭhā udākuḥ sahasrapoṣaṃ yajamāne nyañcatīr iti samaṃ prāṇairdhārayamāṇaḥ sphyenopasaṃgṛhyāviṣiñcanharati
- 9
पृथिवीं च मनसा ध्यायति
pṛthivīṃ ca manasā dhyāyati
- 10
को वो युनक्ति स वो युनक्त्व् इत्य् उत्तरेणाहवनीयम् असंस्पृष्टा दर्भेषु सादयति
ko vo yunakti sa vo yunaktv ity uttareṇāhavanīyam asaṃspṛṣṭā darbheṣu sādayati
- 11
नेङ्गयन्ति नेलयन्त्य् आ संस्थातोर्दर्भैर् अभिच्छाद्य
neṅgayanti nelayanty ā saṃsthātordarbhair abhicchādya
- 12
संविशन्तां दैवीर्विशः पात्राणि देवयज्याया इति सपवित्रेण पाणिना पात्राणि संमृश्य
saṃviśantāṃ daivīrviśaḥ pātrāṇi devayajyāyā iti sapavitreṇa pāṇinā pātrāṇi saṃmṛśya

