4 shlokas
- 1
आहवनीये गार्हपत्ये वा हवींषि श्रपयति
āhavanīye gārhapatye vā havīṃṣi śrapayati
- 2
धृष्टिर् असि ब्रह्म यच्छेत्य् उपवेषम् आदाय रक्षसः पाणिं दहाहिर् असि बुध्निय इत्य् अभिमन्त्र्यापाग्ने ऽग्निम् आमादं जहीति गार्हपत्यात्प्रत्यञ्चाव् अङ्गारौ निर्वर्त्य निष्क्रव्यादं सेधेति तयोर् अन्यतरम् उत्तरम् अपरम् अवान्तरदेशं निरस्या देवयजं वहेति दक्षिणम् अवस्थाप्य ध्रुवम् असीति तस्मिन्मध्यमं पुरोडाशकपालम् उपदधाति
dhṛṣṭir asi brahma yacchety upaveṣam ādāya rakṣasaḥ pāṇiṃ dahāhir asi budhniya ity abhimantryāpāgne 'gnim āmādaṃ jahīti gārhapatyātpratyañcāv aṅgārau nirvartya niṣkravyādaṃ sedheti tayor anyataram uttaram aparam avāntaradeśaṃ nirasyā devayajaṃ vaheti dakṣiṇam avasthāpya dhruvam asīti tasminmadhyamaṃ puroḍāśakapālam upadadhāti
- 3
निर्दग्धं रक्षो निर्दग्धा अरातय इति कपाले ऽङ्गारम् अत्याधाय धर्त्रम् असीति पूर्वं द्वितीयं संस्पृष्टम्
धरुणम् असीति पूर्वं तृतीयम्
चिद् असि विश्वासु दिक्षु सीदेति मध्यमाद्दक्षिणम्
परिचिद् असि विश्वासु दिक्षु सीदेति मध्यमाद् उत्तरम्
nirdagdhaṃ rakṣo nirdagdhā arātaya iti kapāle 'ṅgāram atyādhāya dhartram asīti pūrvaṃ dvitīyaṃ saṃspṛṣṭam
dharuṇam asīti pūrvaṃ tṛtīyam
cid asi viśvāsu dikṣu sīdeti madhyamāddakṣiṇam
paricid asi viśvāsu dikṣu sīdeti madhyamād uttaram
- 4
यथायोगम् इतराणि
yathāyogam itarāṇi

