12 shlokas
- 1
वानस्पत्यासि दक्षाय त्वेत्य् अग्निहोत्रहवनीम् आदत्ते
वेषाय त्वेति शूर्पम्
vānaspatyāsi dakṣāya tvety agnihotrahavanīm ādatte
veṣāya tveti śūrpam
- 2
प्रत्युष्टं रक्षः प्रत्युष्टा अरातय इत्य् आहवनीये गार्हपत्ये वा प्रतितप्य यजमान हविर्निर्वप्स्यामीत्य् आमन्त्रयते
pratyuṣṭaṃ rakṣaḥ pratyuṣṭā arātaya ity āhavanīye gārhapatye vā pratitapya yajamāna havirnirvapsyāmīty āmantrayate
- 3
प्रवसत्य् अग्ने हविर्निर्वप्स्यामीति
pravasaty agne havirnirvapsyāmīti
- 4
उर्व् अन्तरिक्षम् अन्विहीति शकटायाभिप्रव्रजति
urv antarikṣam anvihīti śakaṭāyābhipravrajati
- 5
अपरेण गार्हपत्यं प्रागीषम् उदगीषं वा नद्धयुगं शकटम् अवस्थितं भवति व्रीहिमद्यवमद्वा
apareṇa gārhapatyaṃ prāgīṣam udagīṣaṃ vā naddhayugaṃ śakaṭam avasthitaṃ bhavati vrīhimadyavamadvā
- 6
धूर् असीति दक्षिणां युगधुरम् अभिमृशत्य् उत्तरां वा
dhūr asīti dakṣiṇāṃ yugadhuram abhimṛśaty uttarāṃ vā
- 7
त्वं देवानाम् असि सस्नितमम् इत्य् उत्तराम् ईषाम् आलभ्य जपति
tvaṃ devānām asi sasnitamam ity uttarām īṣām ālabhya japati
- 8
विष्णुस्त्वाक्रंस्तेति सव्ये चक्रे दक्षिणं पादम् अत्याधायाह्रुतम् असि हविर्धानम् इत्य् आरोहति
viṣṇustvākraṃsteti savye cakre dakṣiṇaṃ pādam atyādhāyāhrutam asi havirdhānam ity ārohati
- 9
उरु वातायेति परीणाहम् अपच्छाद्य मित्रस्य त्वा चक्षुषा प्रेक्षा इति पुरोडाशीयान्प्रेक्षते
uru vātāyeti parīṇāham apacchādya mitrasya tvā cakṣuṣā prekṣā iti puroḍāśīyānprekṣate
- 10
निरस्तं रक्षो निरस्तो ऽघशंस इति यद् अन्यत्पुरोडाशीयेभ्यस्तन्निरस्योर्जाय वः पयो मयि धेहीत्य् अभिमन्त्र्य दशहोतारं व्याख्याय शूर्पे पवित्रे निधाय तस्मिन्न् अग्निहोत्रहवण्या हवींषि निर्वपति तया वा पवित्रवत्या
nirastaṃ rakṣo nirasto 'ghaśaṃsa iti yad anyatpuroḍāśīyebhyastannirasyorjāya vaḥ payo mayi dhehīty abhimantrya daśahotāraṃ vyākhyāya śūrpe pavitre nidhāya tasminn agnihotrahavaṇyā havīṃṣi nirvapati tayā vā pavitravatyā
- 11
व्रीहीन्यवान्वा
vrīhīnyavānvā
- 12
यच्छन्तां पञ्चेति मुष्टिं गृहीत्वा स्रुचि मुष्टिम् ओप्य देवस्य त्वेत्य् अनुद्रुत्याग्नये जुष्टं निर्वपामीति त्रिर्यजुषा तूष्णीं चतुर्थम्
yacchantāṃ pañceti muṣṭiṃ gṛhītvā sruci muṣṭim opya devasya tvety anudrutyāgnaye juṣṭaṃ nirvapāmīti triryajuṣā tūṣṇīṃ caturtham

