9 shlokas
- 1
देवेभ्यः शुन्धध्वं देवेभ्यः शुन्ध्यध्वं देवेभ्यः शुम्भध्वम् इति सुफलीकृतान्करोति
तूष्णीम्वा
devebhyaḥ śundhadhvaṃ devebhyaḥ śundhyadhvaṃ devebhyaḥ śumbhadhvam iti suphalīkṛtānkaroti
tūṣṇīmvā
- 2
प्रक्षाल्य तुण्डुलांस्त्रिष्फलीक्रियमाणानां यो न्यङ्गो अवशिष्यते
रक्षसां भागधेयम् आपस्तत्प्रवहताद् इत इत्य् उत्करे त्रिर्निनयति
prakṣālya tuṇḍulāṃstriṣphalīkriyamāṇānāṃ yo nyaṅgo avaśiṣyate
rakṣasāṃ bhāgadheyam āpastatpravahatād ita ity utkare trirninayati
- 3
अत्र कृष्णाजिनस्यादानादि प्रागधिवर्तनात्कृत्वा दिव स्कम्भनिर् असीति कृष्णाजिन उदीचीनकुम्बां शम्यां निधाय धिषणासि पर्वत्येति शम्यायां दृषदम् अत्याधाय धिषणासि पार्वतेयीति दृषद्य् उपलाम् अत्यादधाति
atra kṛṣṇājinasyādānādi prāgadhivartanātkṛtvā diva skambhanir asīti kṛṣṇājina udīcīnakumbāṃ śamyāṃ nidhāya dhiṣaṇāsi parvatyeti śamyāyāṃ dṛṣadam atyādhāya dhiṣaṇāsi pārvateyīti dṛṣady upalām atyādadhāti
- 4
पूर्ववद् अनुत्सर्गः
pūrvavad anutsargaḥ
- 5
अंशव स्थ मधुमन्त इति तण्डुलान् अभिमन्त्र्य देवस्य त्वेत्य् अनुद्रुत्याग्नये जुष्टम् अधिवपामीति यथादेवतं दृषदि तण्डुलान् अधिवपति त्रिर्यजुषा तूष्णीं चतुर्थम्
aṃśava stha madhumanta iti taṇḍulān abhimantrya devasya tvety anudrutyāgnaye juṣṭam adhivapāmīti yathādevataṃ dṛṣadi taṇḍulān adhivapati triryajuṣā tūṣṇīṃ caturtham
- 6
प्राणाय त्वेति प्राचीम् उपलां प्रोहत्य् अपानाय त्वेति प्रतीचीं व्यानाय त्वेति मध्यदेशे व्यवधारयति प्राणाय त्वापानाय त्वा व्यानाय त्वेति संततं पिनष्टि
prāṇāya tveti prācīm upalāṃ prohaty apānāya tveti pratīcīṃ vyānāya tveti madhyadeśe vyavadhārayati prāṇāya tvāpānāya tvā vyānāya tveti saṃtataṃ pinaṣṭi
- 7
दीर्घाम् अनु प्रसितिम् आयुषे धाम् इति प्राचीम् अन्ततो ऽनुप्रोह्य देवो वः सविता हिरण्यपाणिः प्रतिगृह्णात्व् इति कृष्णाजिने पिष्टानि प्रस्कन्दयित्वादब्धेन वश्चक्षुषावेक्ष इत्य् अवेक्ष्यासंवपन्ती पिंषाणूनि कुरुताद् इति संप्रेष्यति
dīrghām anu prasitim āyuṣe dhām iti prācīm antato 'nuprohya devo vaḥ savitā hiraṇyapāṇiḥ pratigṛhṇātv iti kṛṣṇājine piṣṭāni praskandayitvādabdhena vaścakṣuṣāvekṣa ity avekṣyāsaṃvapantī piṃṣāṇūni kurutād iti saṃpreṣyati
- 8
दासी पिनष्टि पत्नी वा
dāsī pinaṣṭi patnī vā
- 9
अपि वा पत्न्य् अवहन्ति शूद्रा पिनष्टि
api vā patny avahanti śūdrā pinaṣṭi

