11 shlokas
- 1
सशूकायाम् अग्निहोत्रहवण्याम् अप आनीय पूर्ववद् उत्पूयाभिमन्त्र्य ब्रह्मन्प्रोक्षिष्यामीति ब्रह्माणम् आमन्त्र्य देवस्य त्वेत्य् अनुद्रुत्याग्नये वो जुष्टं प्रोक्षामीति यथादेवतं हविस्त्रिः प्रोक्षन्नाग्निम् अभिप्रोक्षेत्
saśūkāyām agnihotrahavaṇyām apa ānīya pūrvavad utpūyābhimantrya brahmanprokṣiṣyāmīti brahmāṇam āmantrya devasya tvety anudrutyāgnaye vo juṣṭaṃ prokṣāmīti yathādevataṃ havistriḥ prokṣannāgnim abhiprokṣet
- 2
यं द्विष्यात्तस्याभिप्रोक्षेत्
yaṃ dviṣyāttasyābhiprokṣet
- 3
उत्तानानि पात्राणि पर्यावर्त्य शुन्धध्वं दैव्याय कर्मण इति त्रिः प्रोक्ष्य प्रोक्षणीशेषम् अग्रेण गार्हपत्यं निधाय देवस्य त्वा सवितुः प्रसव इति कृष्णाजिनम् आदायावधूतं रक्षो ऽवधूता अरातय इत्य् उत्करे त्रिर् अवधूनोत्य् ऊर्ध्वग्रीवं बहिष्टाद्विशसनम्
uttānāni pātrāṇi paryāvartya śundhadhvaṃ daivyāya karmaṇa iti triḥ prokṣya prokṣaṇīśeṣam agreṇa gārhapatyaṃ nidhāya devasya tvā savituḥ prasava iti kṛṣṇājinam ādāyāvadhūtaṃ rakṣo 'vadhūtā arātaya ity utkare trir avadhūnoty ūrdhvagrīvaṃ bahiṣṭādviśasanam
- 4
अदित्यास्त्वग् असीत्य् उत्तरेण गार्हपत्यम् उत्करदेशे वा प्रतीचीनग्रीवम् उत्तरलोमोपस्तृणाति
adityāstvag asīty uttareṇa gārhapatyam utkaradeśe vā pratīcīnagrīvam uttaralomopastṛṇāti
- 5
पुरस्तात्प्रतीचीम्भसदम् उपसमस्यति
purastātpratīcīmbhasadam upasamasyati
- 6
अनुत्सृजन्कृष्णाजिनम् अधिषवणम् असीति तस्मिन्न् उलूखलम् अधिवर्तयति
anutsṛjankṛṣṇājinam adhiṣavaṇam asīti tasminn ulūkhalam adhivartayati
- 7
अनुत्सृजन्न् उलूखलम् अग्नेस्तनूर् असीति तस्मिन्हविर् आवपति त्रिर्यजुषा तूष्णीम्चतुर्थम्
anutsṛjann ulūkhalam agnestanūr asīti tasminhavir āvapati triryajuṣā tūṣṇīmcaturtham
- 8
अद्रिर् असि वानस्पत्य इति मुसलम् आदाय हविष्कृद् एहीति त्रिर् अवहन्ति
अनवघ्नन्वा हविष्कृतं ह्वयति
adrir asi vānaspatya iti musalam ādāya haviṣkṛd ehīti trir avahanti
anavaghnanvā haviṣkṛtaṃ hvayati
- 9
हविष्कृद् एहीति ब्राह्मणस्य हविष्कृद् आगहीति राजन्यस्य हविष्कृद् आद्रवेति वैश्यस्य हविष्कृद् आधावेति शूद्रस्य
haviṣkṛd ehīti brāhmaṇasya haviṣkṛd āgahīti rājanyasya haviṣkṛd ādraveti vaiśyasya haviṣkṛd ādhāveti śūdrasya
- 10
प्रथमं वा सर्वेषाम्
prathamaṃ vā sarveṣām
- 11
अव रक्षो दिवः सपत्नं वध्यासम् इत्य् अवहन्ति
ava rakṣo divaḥ sapatnaṃ vadhyāsam ity avahanti

