14 shlokas
- 1
उदित आदित्ये पौर्णमास्यास्तन्त्रं प्रक्रमयति प्राग् उदयाद् अमावास्यायाः
udita āditye paurṇamāsyāstantraṃ prakramayati prāg udayād amāvāsyāyāḥ
- 2
चत्वार ऋत्विजः
catvāra ṛtvijaḥ
- 3
पूर्ववद् अग्नीन्परिस्तृणाति यद्य् अपरिस्तीर्णा भवन्ति
pūrvavad agnīnparistṛṇāti yady aparistīrṇā bhavanti
- 4
कर्मणे वां देवेभ्यः शकेयम् इति हस्ताव् अवनिज्य यज्ञस्य संततिर् असि यज्ञस्य त्वा संतत्यै स्तृणामि संतत्यै त्वा यज्ञस्येति गार्हपत्यात्प्रक्रम्य संततामुलपराजीं स्तृणात्य् आहवनीयात्तूष्णीं दक्षिणाम् उत्तरां च
karmaṇe vāṃ devebhyaḥ śakeyam iti hastāv avanijya yajñasya saṃtatir asi yajñasya tvā saṃtatyai stṛṇāmi saṃtatyai tvā yajñasyeti gārhapatyātprakramya saṃtatāmulaparājīṃ stṛṇāty āhavanīyāttūṣṇīṃ dakṣiṇām uttarāṃ ca
- 5
दक्षिणेनाहवनीयं ब्रह्मयजमानयोर् आसने प्रकल्पयति पूर्वं ब्रह्मणो ऽपरं यजमानस्य
dakṣiṇenāhavanīyaṃ brahmayajamānayor āsane prakalpayati pūrvaṃ brahmaṇo 'paraṃ yajamānasya
- 6
उत्तरेण गार्हपत्याहवनीयौ दर्भान्संस्तीर्य द्वन्द्वं न्यञ्चि पात्राणि प्रयुनक्ति दशापराणि दश पूर्वाणि
uttareṇa gārhapatyāhavanīyau darbhānsaṃstīrya dvandvaṃ nyañci pātrāṇi prayunakti daśāparāṇi daśa pūrvāṇi
- 7
स्फ्यश्च कपालानि चेति यथासमाम्नातम् अपराणि प्रयुज्य स्रुवं जुहूम् उपभृतं ध्रुवां वेदं पात्रीम् आज्यस्थालीं प्राशित्रहरणम् इडापात्रं प्रणीताप्रणयनम् इति पूर्वाणि
sphyaśca kapālāni ceti yathāsamāmnātam aparāṇi prayujya sruvaṃ juhūm upabhṛtaṃ dhruvāṃ vedaṃ pātrīm ājyasthālīṃ prāśitraharaṇam iḍāpātraṃ praṇītāpraṇayanam iti pūrvāṇi
- 8
तान्य् उत्तरेणावशिष्टानि
tāny uttareṇāvaśiṣṭāni
- 9
अन्वाहार्यस्थालीम् अश्मानम् उपवेषं प्रातर्दोहपात्राणीति
anvāhāryasthālīm aśmānam upaveṣaṃ prātardohapātrāṇīti
- 10
प्रणीताप्रणयनं पात्रसंसादनात्पूर्वम् एके समामनन्ति
खादिरः स्रुवः पर्णमयी जुहूर् आश्वत्थ्य् उपभृद्वैकङ्कती ध्रुवा
praṇītāpraṇayanaṃ pātrasaṃsādanātpūrvam eke samāmananti
khādiraḥ sruvaḥ parṇamayī juhūr āśvatthy upabhṛdvaikaṅkatī dhruvā
- 11
एतेषां वा वृक्षाणाम् एकस्य स्रुचः कारयेत्
eteṣāṃ vā vṛkṣāṇām ekasya srucaḥ kārayet
- 12
बाहुमात्र्यो ऽरत्निमात्र्यो वाग्राग्रास्त्वक्तोबिला हंसमुख्यः
bāhumātryo 'ratnimātryo vāgrāgrāstvaktobilā haṃsamukhyaḥ
- 13
स्फ्यः शम्या प्राशित्रहरणम् इति खादिराणि
sphyaḥ śamyā prāśitraharaṇam iti khādirāṇi
- 14
वारणान्य् अहोमार्थानि भवन्ति
vāraṇāny ahomārthāni bhavanti

