7 shlokas
- 1
एवम् उत्तरं यथादेवतम् अग्नीषोमाभ्याम् इति पौर्णमास्यां
इन्द्राग्निभ्याम् इत्य् अमावास्यायाम्
evam uttaraṃ yathādevatam agnīṣomābhyām iti paurṇamāsyāṃ
indrāgnibhyām ity amāvāsyāyām
- 2
चतुरो मुष्टीन्निरुप्य निरुप्तेष्व् अन्वोप्येदं देवानाम् इति निरुप्तान् अभिमृशति
इदम् उ नः सहेत्य् अवशिष्टान्
caturo muṣṭīnnirupya nirupteṣv anvopyedaṃ devānām iti niruptān abhimṛśati
idam u naḥ sahety avaśiṣṭān
- 3
स्फात्यै त्वा नारात्या इति निरुप्तान् एवाभिमन्त्र्येदम् अहं निर्वरुणस्य पाशाद् इत्य् उपनिष्क्रम्य स्वर् अभिव्यख्यम् इति प्राङ्प्रेक्षते
sphātyai tvā nārātyā iti niruptān evābhimantryedam ahaṃ nirvaruṇasya pāśād ity upaniṣkramya svar abhivyakhyam iti prāṅprekṣate
- 4
सुवर् अभिविख्येषम् इति सर्वं विहारम् अनुवीक्षते
वैश्वानरं ज्योतिर् इत्य् आहवनीयं स्वाहा द्यावापृथिवीभ्याम् इति स्कन्नान् अभिमन्त्र्य दृंहन्तां दुर्या द्यावापृथिव्योर् इति प्रत्यवरोह्योर्व् अन्तरिक्षम् अन्विहीति हरति
suvar abhivikhyeṣam iti sarvaṃ vihāram anuvīkṣate
vaiśvānaraṃ jyotir ity āhavanīyaṃ svāhā dyāvāpṛthivībhyām iti skannān abhimantrya dṛṃhantāṃ duryā dyāvāpṛthivyor iti pratyavarohyorv antarikṣam anvihīti harati
- 5
अदित्यास्त्वोपस्थे सादयामीत्य् अपरेण गार्हपत्यं यथादेवतम् उपसादयति
adityāstvopasthe sādayāmīty apareṇa gārhapatyaṃ yathādevatam upasādayati
- 6
आहवनीयं वा यद्य् आहवनीये श्रपयति
āhavanīyaṃ vā yady āhavanīye śrapayati
- 7
यदि पात्र्या निर्वपेद्दक्षिणतः स्फ्यम् उपधाय तस्यां सर्वाञ्छकटमन्त्राञ्जपेत्
yadi pātryā nirvapeddakṣiṇataḥ sphyam upadhāya tasyāṃ sarvāñchakaṭamantrāñjapet

