13 shlokas
- 1
अमावास्यायां यद् अहश्चन्द्रमसं न पश्यन्ति तद् अहः पिण्डपितृयज्ञं कुरुते
amāvāsyāyāṃ yad ahaścandramasaṃ na paśyanti tad ahaḥ piṇḍapitṛyajñaṃ kurute
- 2
अपराह्णे ऽधिवृक्षसूर्ये वा पिण्डपितृयज्ञेन चरन्ति
aparāhṇe 'dhivṛkṣasūrye vā piṇḍapitṛyajñena caranti
- 3
अपां मेध्यं यज्ञियम् इति समूलं सकृदाच्छिन्नं बर्हिर् आहरति
apāṃ medhyaṃ yajñiyam iti samūlaṃ sakṛdācchinnaṃ barhir āharati
- 4
सकृदाच्छिन्नानि वा तृणान्य् उपमूलं दिनानि
sakṛdācchinnāni vā tṛṇāny upamūlaṃ dināni
- 5
दक्षिणाप्रागग्रैर्दर्भैर्दक्षिणम् अग्निं परिस्तीर्य दक्षिणतः पश्चाद्वा दर्भान्संस्तीर्य दक्षिणाप्राञ्च्य् एकैकशः पिण्डपितृयज्ञपात्राणि प्रयुनक्ति स्फ्यं मेक्षणं कृष्णाजिनम् उलूखलं मुसलं शूर्पम् आज्यस्थालीं चरुस्थालीं येन चान्येनार्थी भवति
dakṣiṇāprāgagrairdarbhairdakṣiṇam agniṃ paristīrya dakṣiṇataḥ paścādvā darbhānsaṃstīrya dakṣiṇāprāñcy ekaikaśaḥ piṇḍapitṛyajñapātrāṇi prayunakti sphyaṃ mekṣaṇaṃ kṛṣṇājinam ulūkhalaṃ musalaṃ śūrpam ājyasthālīṃ carusthālīṃ yena cānyenārthī bhavati
- 6
दक्षिणतः प्रागीषं व्रीहिमच्छकटम् अवस्थितं भवति
dakṣiṇataḥ prāgīṣaṃ vrīhimacchakaṭam avasthitaṃ bhavati
- 7
अध्वर्युर् उपवीती स्थालीम् एकपवित्रेणान्तर्धाय तया दक्षिणतः शकटाद् अधि निर्वपत्य् उत्तरतो वा
adhvaryur upavītī sthālīm ekapavitreṇāntardhāya tayā dakṣiṇataḥ śakaṭād adhi nirvapaty uttarato vā
- 8
तां पूरयित्वा निमार्ष्टि
tāṃ pūrayitvā nimārṣṭi
- 9
मृन्मये निर्वपति पितृभ्यो वो जुष्टं निर्वपामीति तूष्णीं वा
mṛnmaye nirvapati pitṛbhyo vo juṣṭaṃ nirvapāmīti tūṣṇīṃ vā
- 10
अपरेणान्वाहार्यपचनं प्रत्यगुदग्ग्रीवे कृष्णाजिन उलूखले प्रतिष्ठिते दक्षिणाप्राची तिष्ठन्ती पत्न्य् अवहन्ति परापावम् अविवेकम्
apareṇānvāhāryapacanaṃ pratyagudaggrīve kṛṣṇājina ulūkhale pratiṣṭhite dakṣiṇāprācī tiṣṭhantī patny avahanti parāpāvam avivekam
- 11
सकृत्फलीकरोति
sakṛtphalīkaroti
- 12
दक्षिणाग्नौ जीवतण्डुलं श्रपयति
dakṣiṇāgnau jīvataṇḍulaṃ śrapayati
- 13
अपहता असुरा रक्षांसि पिशाचा वेदिषद इत्य् अन्तरा गार्हपत्यान्वाहार्यपचनौ दक्षिणापूर्वेण वान्वाहार्यपचनं दक्षिणाप्राचीम् एकस्फ्यां पराचीं वेदिम् उद्धत्य शुन्धन्तां पितर इत्य् अद्भिर् अवोक्ष्यायन्तु पितरो मनोजवस इत्य् अभिमन्त्र्य सकृदाच्छिन्नं बर्हिर् ऊर्णामृदु स्योनं पितृभ्यस्त्वा भराम्य् अहम्
अस्मिन्सीदन्तु मे पितरः सोम्याः पितामहाः प्रपितामहाश्चानुगैः सहेति सकृदाच्छिन्नेन बर्हिषा वेदिं स्तृणाति
apahatā asurā rakṣāṃsi piśācā vediṣada ity antarā gārhapatyānvāhāryapacanau dakṣiṇāpūrveṇa vānvāhāryapacanaṃ dakṣiṇāprācīm ekasphyāṃ parācīṃ vedim uddhatya śundhantāṃ pitara ity adbhir avokṣyāyantu pitaro manojavasa ity abhimantrya sakṛdācchinnaṃ barhir ūrṇāmṛdu syonaṃ pitṛbhyastvā bharāmy aham
asminsīdantu me pitaraḥ somyāḥ pitāmahāḥ prapitāmahāścānugaiḥ saheti sakṛdācchinnena barhiṣā vediṃ stṛṇāti

