21 shlokas
- 1
एतानि वः पितरो वासांस्य् अतो नो ऽन्यत्पितरो मा योष्टेति वाससो दशां छित्त्वा निदधात्य् ऊर्णास्तुकां वा पूर्वे वयसि
उत्तर आयुषि स्वं लोम
etāni vaḥ pitaro vāsāṃsy ato no 'nyatpitaro mā yoṣṭeti vāsaso daśāṃ chittvā nidadhāty ūrṇāstukāṃ vā pūrve vayasi
uttara āyuṣi svaṃ loma
- 2
वीतोष्मसु पिण्डेषु नमो वः पितरो रसायेति नमस्काराञ्जपति
vītoṣmasu piṇḍeṣu namo vaḥ pitaro rasāyeti namaskārāñjapati
- 3
गृहान्नः पितरो दत्त सदो वः पितरो देष्मेति पितॄन् उपतिष्ठते
gṛhānnaḥ pitaro datta sado vaḥ pitaro deṣmeti pitṝn upatiṣṭhate
- 4
ऊर्जं वहन्तीर् अमृतं घृतं पयः कीलालं परिस्रुतम्
स्वधा स्थ तर्पयत मे पितॄन् इत्य् उदकं निनयति
ūrjaṃ vahantīr amṛtaṃ ghṛtaṃ payaḥ kīlālaṃ parisrutam
svadhā stha tarpayata me pitṝn ity udakaṃ ninayati
- 5
मनो न्व् आहुवामह इति मनस्वतीभिर् उपतिष्ठते
mano nv āhuvāmaha iti manasvatībhir upatiṣṭhate
- 6
उत्तिष्ठत पितरः प्रेत शूरा यमस्य पन्थाम् अनुवेता पुराणम्
धत्ताद् अस्मासु द्रविणं यच्च भद्रं प्र णो ब्रूताद्भागधां देवतास्व् इति पितॄन् उत्थापयति
uttiṣṭhata pitaraḥ preta śūrā yamasya panthām anuvetā purāṇam
dhattād asmāsu draviṇaṃ yacca bhadraṃ pra ṇo brūtādbhāgadhāṃ devatāsv iti pitṝn utthāpayati
- 7
परेत पितरः सोम्या इति प्रवाहण्या पितॄन्प्रवाहयति
pareta pitaraḥ somyā iti pravāhaṇyā pitṝnpravāhayati
- 8
प्रजापते न त्वद् एतानीति यज्ञोपवीती गार्हपत्यदेशं गच्छति
prajāpate na tvad etānīti yajñopavītī gārhapatyadeśaṃ gacchati
- 9
यद् अन्तरिक्षम् इति पङ्क्त्या गार्हपत्यम् उपतिष्ठते
yad antarikṣam iti paṅktyā gārhapatyam upatiṣṭhate
- 10
अपां त्वौषधीनां रसं प्राशयामि भूतकृतं गर्भं धत्स्वेति मध्यमं पिण्डं पत्न्यै प्रयच्छति
apāṃ tvauṣadhīnāṃ rasaṃ prāśayāmi bhūtakṛtaṃ garbhaṃ dhatsveti madhyamaṃ piṇḍaṃ patnyai prayacchati
- 11
आधत्त पितरो गर्भं कुमारं पुष्करस्रजम्
यथेह पुरुषो ऽसद् इति तं पत्नी प्राश्नाति
पुमांसं ह जानुका भवतीति विज्ञायते
ādhatta pitaro garbhaṃ kumāraṃ puṣkarasrajam
yatheha puruṣo 'sad iti taṃ patnī prāśnāti
pumāṃsaṃ ha jānukā bhavatīti vijñāyate
- 12
ये सजाताः समनसो जीवा जीवेषु मामकाः
तेषां श्रीर्मयि कल्पताम् अस्मिंल्लोके शतं समा इत्य् अवशिष्टानाम् एकं यजमानः प्राश्नाति
न वा
ye sajātāḥ samanaso jīvā jīveṣu māmakāḥ
teṣāṃ śrīrmayi kalpatām asmiṃlloke śataṃ samā ity avaśiṣṭānām ekaṃ yajamānaḥ prāśnāti
na vā
- 13
स्थाल्यां पिण्डान्समवधाय ये समाना इति सकृदाच्छिन्नम् अग्नौ प्रहरति
sthālyāṃ piṇḍānsamavadhāya ye samānā iti sakṛdācchinnam agnau praharati
- 14
अभून्नो दूतो हविषो जातवेदा अवाड्ढव्यानि सुरभीणि कृत्वा
प्रादाः पितृभ्यः स्वधया ते अक्षन्प्रजानन्न् अग्ने पुनर् अप्येहि देवान् इत्य् एकोल्मुकं प्रत्यपिसृज्य प्रोक्ष्य पात्राणि द्वन्द्वम् अभ्युदाहरति
abhūnno dūto haviṣo jātavedā avāḍḍhavyāni surabhīṇi kṛtvā
prādāḥ pitṛbhyaḥ svadhayā te akṣanprajānann agne punar apyehi devān ity ekolmukaṃ pratyapisṛjya prokṣya pātrāṇi dvandvam abhyudāharati
- 15
संतिष्ठते पिण्डपितृयज्ञः
saṃtiṣṭhate piṇḍapitṛyajñaḥ
- 16
अपः पिण्डान् अभ्यवहरेद्ब्राह्मणं वा प्राशयेत्
apaḥ piṇḍān abhyavaharedbrāhmaṇaṃ vā prāśayet
- 17
सो ऽयम् एवं विहित एवानाहिताग्नेः
so 'yam evaṃ vihita evānāhitāgneḥ
- 18
औपासने श्रपणधर्मा होमश्च
aupāsane śrapaṇadharmā homaśca
- 19
अतिप्रणीते वा जुहुयात्
atipraṇīte vā juhuyāt
- 20
यस्मिञ्जुहुयात्तम् उपतिष्ठेत
yasmiñjuhuyāttam upatiṣṭheta
- 21
तत्र गार्हपत्यशब्दो लुप्येत संस्कारप्रतिषेधात्
tatra gārhapatyaśabdo lupyeta saṃskārapratiṣedhāt

