8 shlokas
- 1
प्रक्षालितायां पात्र्यां निष्टप्तोपवातायां पवित्रवत्यां पिष्टानि संवपति देवस्य त्वेत्य् अनुद्रुत्याग्नये जुष्टं संवपामीति यथादेवतं त्रिर्यजुषा तूष्णीं चतुर्थम्
prakṣālitāyāṃ pātryāṃ niṣṭaptopavātāyāṃ pavitravatyāṃ piṣṭāni saṃvapati devasya tvety anudrutyāgnaye juṣṭaṃ saṃvapāmīti yathādevataṃ triryajuṣā tūṣṇīṃ caturtham
- 2
संवपन्वाचं यच्छति ताम् अभिवासयन्विसृजते
saṃvapanvācaṃ yacchati tām abhivāsayanvisṛjate
- 3
प्रोक्षणीवत्पिष्टान्य् उत्पूय प्रणीताभिः संयौति
prokṣaṇīvatpiṣṭāny utpūya praṇītābhiḥ saṃyauti
- 4
अन्या वा यजुषोत्पूय यदि प्रणीता नाधिगच्छेत्
anyā vā yajuṣotpūya yadi praṇītā nādhigacchet
- 5
स्रुवेण प्रणीताभ्य आदाय वेदेनोपयम्य सम् आपो अद्भिर् अग्मतेति पिष्टेष्व् आनीयाद्भिः परि प्रजाता इति तप्ताभिर् अनुपरिप्लाव्य जनयत्यै त्वा संयौमीति संयुत्य मखस्य शिरो ऽसीति पिण्डं कृत्वा यथाभागं व्यावर्तेथाम् इति विभज्य समौ पिण्डौ कृत्वा यथादेवतम् अभिमृशतीदम् अग्नेर् इत्य् आग्नेयम्
इदम् अग्नीषोमयोर् इत्य् अग्नीषोमीयम्
sruveṇa praṇītābhya ādāya vedenopayamya sam āpo adbhir agmateti piṣṭeṣv ānīyādbhiḥ pari prajātā iti taptābhir anupariplāvya janayatyai tvā saṃyaumīti saṃyutya makhasya śiro 'sīti piṇḍaṃ kṛtvā yathābhāgaṃ vyāvartethām iti vibhajya samau piṇḍau kṛtvā yathādevatam abhimṛśatīdam agner ity āgneyam
idam agnīṣomayor ity agnīṣomīyam
- 6
इदम् अहं सेनाया अभीत्वर्यै मुखम् अपोहामीति वेदेन कपालेभ्यो ऽङ्गारान् अपोह्य घर्मो ऽसि विश्वायुर् इत्य् आग्नेयं पुरोडाशम् अष्टासु कपालेष्व् अधिश्रयति
idam ahaṃ senāyā abhītvaryai mukham apohāmīti vedena kapālebhyo 'ṅgārān apohya gharmo 'si viśvāyur ity āgneyaṃ puroḍāśam aṣṭāsu kapāleṣv adhiśrayati
- 7
एवम् उत्तरम् उत्तरेषु
evam uttaram uttareṣu
- 8
एवम् अनुपूर्वाण्य् एवैष्व् अत ऊर्ध्वं कर्माणि क्रियन्ते
evam anupūrvāṇy evaiṣv ata ūrdhvaṃ karmāṇi kriyante

