15 shlokas
- 1
पृथिव्याः संपृचः पाहीत्य् अनधो निदधाति
pṛthivyāḥ saṃpṛcaḥ pāhīty anadho nidadhāti
- 2
अयुजो मुष्टींल्लुनोति
ayujo muṣṭīṃllunoti
- 3
तथा निधनानि
tathā nidhanāni
- 4
तेषां प्रस्तरो ऽयुगर्थ इत्य् एके
teṣāṃ prastaro 'yugartha ity eke
- 5
प्रस्तरे याथाकामी
prastare yāthākāmī
- 6
यद् अन्यत्परिषवणाद् उत्सर्जनाच्च तत्सर्वत्रावर्तते
yad anyatpariṣavaṇād utsarjanācca tatsarvatrāvartate
- 7
प्रस्तरम् एव मन्त्रेण दाति तूष्णीम् इतरद् इति वाजसनेयकम्
prastaram eva mantreṇa dāti tūṣṇīm itarad iti vājasaneyakam
- 8
सर्वं लुत्वा देवबर्हिः शतवल्शं विरोहेत्य् आलवान् अभिमृशति
sarvaṃ lutvā devabarhiḥ śatavalśaṃ virohety ālavān abhimṛśati
- 9
सहस्रवल्शा वि वयं रुहेमेत्य् आत्मानम्
sahasravalśā vi vayaṃ ruhemety ātmānam
- 10
अदित्यै रास्नासीति त्रिधातु पञ्चधातु वा शुल्बं करोति
adityai rāsnāsīti tridhātu pañcadhātu vā śulbaṃ karoti
- 11
अयुपिता योनिर् इति प्रतिदधाति
ayupitā yonir iti pratidadhāti
- 12
अदित्यै रास्नासीत्य् उदगग्रं वितत्य सुसंभृता त्वा संभरामीति तस्मिन्निधनानि संभृत्यालुभिता योनिर् इत्य् उत्तमे निधने प्रस्तरम् अत्याधायेन्द्राण्यै संनहनम् इति संनह्यति
adityai rāsnāsīty udagagraṃ vitatya susaṃbhṛtā tvā saṃbharāmīti tasminnidhanāni saṃbhṛtyālubhitā yonir ity uttame nidhane prastaram atyādhāyendrāṇyai saṃnahanam iti saṃnahyati
- 13
पूषा ते ग्रन्थिं ग्रथ्नात्व् इति ग्रन्थिं करोति
pūṣā te granthiṃ grathnātv iti granthiṃ karoti
- 14
स ते मास्थाद् इति पुरस्तात्प्रत्यञ्चं ग्रन्थिम् उपगूहति पश्चात्प्राञ्चं वा
sa te māsthād iti purastātpratyañcaṃ granthim upagūhati paścātprāñcaṃ vā
- 15
आपस्त्वाम् अश्विनौ त्वाम् ऋषयः सप्त मामृजुः
बर्हिः सूर्यस्य रश्मिभिर् उषसां केतुम् आरभ इति बर्हिर् आरभते
इन्द्रस्य त्वा बाहुभ्याम् उद्यच्छ इत्य् उद्यच्छते
बृहस्पतेर्मूर्ध्ना हरामीति शीर्षन्न् अधिनिधत्ते
āpastvām aśvinau tvām ṛṣayaḥ sapta māmṛjuḥ
barhiḥ sūryasya raśmibhir uṣasāṃ ketum ārabha iti barhir ārabhate
indrasya tvā bāhubhyām udyaccha ity udyacchate
bṛhaspatermūrdhnā harāmīti śīrṣann adhinidhatte

