11 shlokas
- 1
अथातः परिधानीया एव
athātaḥ paridhānīyā eva
- 2
ते स्याम देव वरुणेति मैत्रावरुणस्येषं स्वश्च धीमहीत्य् अयं वै लोक इषम् इत्य् असौ लोकः स्वर् इत्य् उभाव् एवैतया लोकाव् आरभन्ते
te syāma deva varuṇeti maitrāvaruṇasyeṣaṃ svaśca dhīmahīty ayaṃ vai loka iṣam ity asau lokaḥ svar ity ubhāv evaitayā lokāv ārabhante
- 3
व्य् अन्तरिक्षम् अतिरद् इति ब्राह्मणाच्छंसिनो विवत्तृचं स्वर्गम् एवैभ्य एतया लोकं विवृणोति
vy antarikṣam atirad iti brāhmaṇācchaṃsino vivattṛcaṃ svargam evaibhya etayā lokaṃ vivṛṇoti
- 4
मदे सोमस्य रोचना इन्द्रो यद् अभिनद्वलमिति
made somasya rocanā indro yad abhinadvalamiti
- 5
सिषासवो वा एते यद्दीक्षितास्तस्माद् एषा वलवती भवति
siṣāsavo vā ete yaddīkṣitāstasmād eṣā valavatī bhavati
- 6
उद्गा आजद् अङ्गिरोभ्य आविष्कृण्वन्गुहा सतीः अर्वाञ्चं नुनुदे वलम् इति सनिम् एवैभ्य एतयावरुन्द्धे
udgā ājad aṅgirobhya āviṣkṛṇvanguhā satīḥ arvāñcaṃ nunude valam iti sanim evaibhya etayāvarunddhe
- 7
इन्द्रेण रोचना दिव इति स्वर्गो वै लोक इन्द्रेण रोचना दिवः
indreṇa rocanā diva iti svargo vai loka indreṇa rocanā divaḥ
- 8
दृᄆहानि दृंहितानि च स्थिराणि न पराणुद इति
dṛᄆhāni dṛṃhitāni ca sthirāṇi na parāṇuda iti
- 9
स्वर्ग एवैतया लोके ऽहरहः प्रतितिष्ठन्तो यन्ति
svarga evaitayā loke 'harahaḥ pratitiṣṭhanto yanti
- 10
आहं सरस्वतीवतोर् इत्य् अछावाकस्य वाग्वै सरस्वती वाग्वतोर् इति हैतद् आहेन्द्राग्न्योर् अवो वृण इत्य् एतद्ध वा इन्द्राग्न्योः प्रियं धाम यद्वाग् इति प्रियेणैवैनौ तद्धाम्ना समर्धयति
āhaṃ sarasvatīvator ity achāvākasya vāgvai sarasvatī vāgvator iti haitad āhendrāgnyor avo vṛṇa ity etaddha vā indrāgnyoḥ priyaṃ dhāma yadvāg iti priyeṇaivainau taddhāmnā samardhayati
- 11
प्रियेण धाम्ना समृध्यते य एवं वेद
priyeṇa dhāmnā samṛdhyate ya evaṃ veda

